នាយករដ្ឋមន្ត្រីរដ្ឋាភិបាល វៀតណាម លោក Nguyen Xuan Phucអញ្ជើញទទួលជួប ជាមួយឯកអគ្គរដ្ឋទូតជប៉ុនប្រចាំនៅវៀតណាមលោក Umeda Kunio (រូបថតៈ TTXVN)
នារសៀលថ្ងៃទី១៤ ខែកុម្ភៈ ឆ្នាំ២០១៧ នៅទីក្រុងហាណូយនាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phucបានអញ្ជើញទទួលជួបជាមួយឯកអគ្គរដ្ឋទូតជប៉ុនប្រចាំ នៅវៀតណាមលោក Umeda Kunio ។ នៅទីនេះលោក Nguyen Xuan Phuc បានសង្កត់ធ្ងន់ថាវៀតណាមយកចិត្តទុកដាក់ការអភិវឌ្ឍទំនាក់ទំនង ជាមួយជប៉ុនតាមស្មារតីដៃគូយុទ្ធសាស្ត្រយូរអង្វែងដើម្បីសន្តិភាពនិងភាពសប្បូរុងរឿង ក្នុងតំបន់អាស៊ី។ លោក Nguyen Xuan Phucឲ្យដឹងថែមទៀតថា បច្ចុប្បន្ន វៀតណាមកំពុងត្រៀមរៀបចំសម្រាប់ដំណើរទស្សនកិច្ចថ្នាក់រដ្ឋនៅវៀតណាម របស់ព្រះចៅអធិរាជនិងអធិរាជនីជប៉ុន នាពេលខាងមុខ។ វៀតណាមយកចិត្តទុកដាក់យ៉ាងខ្លាំង នូវដំណើរទស្សនកិច្ចនេះនិងចាត់ទុកនេះ ជាការគូសសញ្ញាសំខាន់ ក្នុងទំនាក់ទំនងមិត្តភាព រវាងប្រទេសទាំងពីរ។
រីឯខ្លួនវិញ ឯកអគ្គរដ្ឋទូតជប៉ុន លោក Umeda Kunio បានជូនដំណឹងជាមួយ នាយករដ្ឋមន្ត្រី លោក Nguyen Xuan Phuc ស្តីពីកិច្ចសហប្រតិបត្តិការជាមួយស្ថាប័ននានារបស់វៀតណាម ក្នុងការត្រៀមរៀបចំសម្រាប់កម្មវិធីពន្លឿនការវិនិយោគទ្រងទ្រាយធំ ចូលវៀតណាមដោយមានការចូលរួមរបស់អាជីវករជប៉ុន ជាង១ពាន់នាក់។ អង្គការពន្លឿនពាណិជ្ជកម្មជប៉ុន (JETRO) និងក្រសួងផែនការនិងវិនិយោគវៀតណាមកំពុងរួមសហការ ដើម្បីធានាភាពជោគជ័យ នៃកម្មវិធីនេះ៕
តាម VOV5 - វិទ្យុសំឡេងវៀតណាម
