ប្រធានរដ្ឋសភាវៀតណាម លោក ត្រិន ថាញ់មិន ថ្លែងសុន្ទរកថាបើក។ រូបថត៖ VOV

ក្នុងសុន្ទរកថាបើក ប្រធានរដ្ឋសភាវៀតណាម លោក ត្រិន ថាញ់មិន សង្ឃឹមថា ទីភ្នាក់ងារនិងអ្នកជំនាញស្វីសនឹងចែករំលែក និងផ្តល់អនុសាសន៍ដល់វៀតណាមលើការកសាង គ្រប់គ្រង និងប្រតិបត្តិការមជ្ឈមណ្ឌលហិរញ្ញវត្ថុអន្តរជាតិនៅវៀតណាម។ ប្រធានរដ្ឋសភាលោក ត្រិន ថាញ់មិន បានឲ្យដឹងថា៖

“ក្នុងសម័យប្រជុំលើកទី៩ រដ្ឋសភាបានចេញសេចក្តីសម្រេចចិត្តចុះថ្ងៃទី២៧ ខែមិថុនា ឆ្នាំ២០២៥ ស្តីពីការបង្កើតមជ្ឈមណ្ឌលហិរញ្ញវត្ថុអន្តរជាតិនៅទីក្រុងហូជីមិញ និងសាខានៅទីក្រុង Da Nang។ គោលដៅនៃសិក្ខាសាលាថ្ងៃនេះ គឺដើម្បីសិក្សាបទពិសោធន៍របស់ប្រទេសស្វីសក្នុងការគ្រប់គ្រង និងប្រតិបត្តិការមជ្ឈមណ្ឌលហិរញ្ញវត្ថុរបស់អ្នក ដែលមានប្រសិទ្ធភាពល្អណាស់។ ខ្ញុំសង្ឃឹមថាអ្នកនឹងចែករំលែកជាមួយវៀតណាមដើម្បីអភិវឌ្ឍន៍។ វៀតណាម និងស្វីសមានទំនាក់ទំនងការទូតយូរអង្វែង ហើយប្រទេសទាំងពីរបានជំរុញសកម្មភាពវិនិយោគ”។

នៅក្នុងសិក្ខាសាលានេះ ថ្នាក់ដឹកនាំក្រសួង សាខា និងអ្នកជំនាញនៃភាគីទាំងពីរបានផ្លាស់ប្តូរនិងពិភាក្សាអំពីយុទ្ធសាស្ត្រ និងក្របខ័ណ្ឌច្បាប់សម្រាប់ការអភិវឌ្ឍមជ្ឈមណ្ឌលហិរញ្ញវត្ថុអន្តរជាតិនៅវៀតណាម; កត្តាគាំទ្រដល់ការបង្កើត និងប្រតិបត្តិការមជ្ឈមណ្ឌលហិរញ្ញវត្ថុអន្តរជាតិ; បទពិសោធន៍របស់ស្វីសលើបញ្ហាពន្ធ គោលនយោបាយ និងក្របខ័ណ្ឌច្បាប់សម្រាប់ការអភិវឌ្ឍមជ្ឈមណ្ឌលហិរញ្ញវត្ថុ។ល។

ក្នុងឱកាសនេះ ប្រធានរដ្ឋសភាវៀតណាមលោក ត្រិន ថាញ់មិន បានធ្វើជាសាក្សីក្នុងការផ្លាស់ប្តូរអនុស្សរណៈយោគយល់គ្នារវាងក្រសួងហិរញ្ញវត្ថុ និងវេទិកាសេដ្ឋកិច្ចស្វីស-វៀតណាម; អនុស្សរណៈនៃការយោគយល់គ្នារវាងក្រសួងហិរញ្ញវត្ថុ និងសមាគម Fintech ស្វីស៕