លោកនាយករដ្ឋមន្ត្រីបានអះអាងថា វៀតណាមត្រៀមខ្លួនជាស្រេច ធ្វើការជាមួយ IMF ដើម្បីអនុវត្តន៍វិធានការជំរុញការស្តារសេដ្ឋកិច្ចឡើងវិញ; អនុវត្តន៍ គោលនយោបាយរូបិយវត្ថុដោយភាពបត់បែន និងប្រសិទ្ធភាព; គោលនយោបាយសារ ពើពន្ធដោយមានការផ្តោតសំខាន់; ជំរុញការវិនិយោគទាំងក្នុង និងក្រៅប្រទេស ជាពិសេសការវិនិយោគពីវិស័យរដ្ឋ។ លោកនាយករដ្ឋមន្ត្រីសង្ឃឹមថា IMF នឹងបន្តជួយ វៀតណាមក្នុងការផ្ដល់ប្រឹក្សា រៀបចំផែនការ គោលនយោបាយ និងផ្ដល់ជំនួយបច្ចេក ទេសដើម្បីវៀតណាមអាចសម្រេចបាននូវគោលដៅអភិវឌ្ឍន៍ដែលបានកំណត់នាពេលខាងមុខ។

លោកនាយករដ្ឋមន្ត្រី Pham Minh Chinh និងលោកស្រីនាយិកាប្រតិបត្តិ IMF Kristalina Georgieva បានឯកភាពថា ត្រូវមានដំណោះស្រាយគ្រប់ជ្រុងជ្រោយទាំង ផ្នែកនយោបាយ និងសេដ្ឋកិច្ច ដើម្បីធានាបរិយាកាសសន្តិភាព និងស្ថិរភាព; ចែករំលែកទស្សនៈថា ប្រទេសនានាត្រូវរួមដៃគ្នាស្វែងរកកម្លាំងចលករថ្មីសម្រាប់កំណើន ក្នុងនោះមានកំណើនបៃតង សេដ្ឋកិច្ចវិលជុំ និងសេដ្ឋកិច្ចចែករំលែក; បង្កើនការចុះហត្ថ លេខា និងចរចាកិច្ចព្រមព្រៀងពាណិជ្ជកម្មសេរី លុបចោលរបាំងពាណិជ្ជកម្ម ដើម្បី សម្រួលដល់ចរាចរទំនិញជាសកល៕