គម្រោងនេះបានជ្រើសរើសការផ្សព្វផ្សាយទាំងផ្ទាល់និងអនឡាញ គឺសំដៅឆ្ពោះទៅទីតាំងដែលមានប្រជាជនវៀតណាមរស់នៅច្រើន; វិស័យអាទិភាពមួយចំនួនសម្រាប់ អភិវឌ្ឍន៍ទំនាក់ទំនងការបរទេសរបស់បក្សនិងរដ្ឋ; ទីស្នាក់ការ របស់ទីភ្នាក់ងារសិទ្ធិមនុស្សអន្តរជាតិដូចជា៖ ញូវយ៉ក (សហរដ្ឋអាមេរិក) ទីក្រុង ហ្សឺណែវ (ស្វីស) និងបាងកក (ប្រទេសថៃ)...។ គោលដៅនៃគម្រោងនេះគឺផ្សព្វផ្សាយអំពីសិទ្ធិមនុស្ស ដើម្បីបង្កើតការផ្លាស់ប្តូរក្នុងការយល់ដឹងក្នុងសង្គមទាំងមូលអំពីសិទ្ធិមនុស្ស; ព័ត៌មានគ្រប់គ្រាន់ដើម្បីជួយប្រជាជនក្នុងប្រទេស ជនរួមជាតិនៅក្រៅប្រទេស និងមិត្តអន្តរជាតិយល់ច្បាស់អំពីទស្សនៈ គោលនយោបាយ កិច្ចខិតខំប្រឹងប្រែង និងលទ្ធផលសម្រេចបានក្នុងកិច្ចការពារ និងលើកកម្ពស់សិទ្ធិមនុស្សនៅវៀតណាម; លើកកម្ពស់កិត្យានុភាពរបស់វៀតណាមលើវិស័យសិទ្ធិមនុស្សក្នុងកម្រិតក្នុងស្រុក តំបន់ និងអន្តរជាតិ។
ជាពិសេសក្នុងវិស័យកិច្ចការបរទេស គម្រោងនេះខិតខំបញ្ចប់ការអនុវត្តអនុសាសន៍អន្តរជាតិស្តីពីការបង្កើនការផ្សព្វផ្សាយ និងលើកកម្ពស់ការយល់ដឹងអំពីសិទ្ធិមនុស្សដែលត្រូវបានរដ្ឋាភិបាលវៀតណាម អនុម័ត រួមទាំងអនុសាសន៍ក្រោមយន្តការត្រួតពិនិត្យជាសកល (UPR) របស់ក្រុមប្រឹក្សាសិទ្ធិមនុស្សអង្គការសហប្រជាជាតិ វដ្ត ទី៣។ គម្រោងផ្សព្វផ្សាយច្បាប់អន្តរជាតិស្តីពីសិទ្ធិមនុស្ស ក្នុងនោះ ផ្តោតការយកចិត្តទុកដាក់ជាពិសេសចំពោះអនុសញ្ញាអន្តរជាតិមូលដ្ឋានចំនួន ៧ ស្តីពីសិទ្ធិមនុស្ស ដែលវៀតណាមជាសមាជិក៕
