រដ្ឋមន្ត្រីទាំងពីរបានវាយតម្លៃលើវឌ្ឍនភាពនៃការអនុវត្តការងារដែលភាគីទាំងពីរបានឯកភាពគ្នា បន្ទាប់ពីការចរចាកម្រិតបច្ចេកទេសជុំទី២ ហើយបានពិភាក្សាអំពីទិសដៅសម្រាប់កិច្ចចរចាកម្រិតបច្ចេកទេសបន្ទាប់។ រដ្ឋមន្ត្រីទាំងពីរបានឯកភាពពន្លឿនដំណើរការចរចា ជាពិសេសផ្តោតលើការខិតខំប្រឹងប្រែងជាអតិបរមា ដើម្បីសម្រេចបាននូវលទ្ធផលល្អបំផុតក្នុងការចរចាកម្រិតបច្ចេកទេសជុំទីបី។ រដ្ឋមន្ត្រីទាំងពីរក៏បានឯកភាព ចាត់តាំងឲ្យកម្រិតបច្ចេកទេសបង្កើនការផ្លាស់ប្តូរតាមរយៈកិច្ចប្រជុំការងារតាមអ៊ីនធឺណិត ដើម្បីដោះស្រាយបញ្ហាបច្ចេកទេសដែលនៅ សេសសល់ជាអតិបរមា បង្កើតសន្ទុះដ៏ល្អបំផុតសម្រាប់ការចរចាកម្រិតបច្ចេកទេសជុំទី៣ ដែលគ្រោងនឹងប្រព្រឹត្តិទៅនៅឆមាសទី១ ខែមិថុនា ឆ្នាំ២០២៥។ រដ្ឋមន្ត្រីទាំងពីរបានសន្យាបន្តសម្របសម្រួលយ៉ាងជិតស្និត និងត្រៀមខ្លួនជាស្រេចសម្រាប់ការពិភាក្សាថ្នាក់រដ្ឋមន្ត្រី ដើម្បីជំរុញដំណើរការចរចា ឆ្ពោះទៅរកលទ្ធផលសមស្របសម្រាប់ភាគីទាំងពីរ៕
