លោកឧបនាយករដ្ឋមន្រ្ដីមានគោលបំណង ហើយត្រៀមខ្លួនជាស្រេចសហប្រតិបត្តិការជាមួយ EU ជាពិសេសគឺការកសាងប្រព័ន្ធស្បៀងអាហារពិភពលោក ពង្រីកកាលានុវត្តភាពសហប្រតិបត្តិការលើវិស័យកសិកម្ម ជាពិសេសគឺពាណិជ្ជកម្ម ការវិនិយោគ ការបន្សាំនឹងបម្រែបម្រួលអាកាសធាតុ ការវិនិយោគកសិកម្មបៃតង ការកសាងខ្សែសង្វាក់ផ្គត់ផ្គង់កសិផលយ៉ាងពេញលេញ។ លោកឧបនាយករដ្ឋមន្ត្រីបានស្នើឲ្យ EU បង្កលក្ខណៈងាយស្រួលសម្រាប់មុខទំនិញកសិផល រុក្ខផល និងជលផលរបស់វៀតណាម ត្រូវបាននាំចេញទៅកាន់ទីផ្សារ EU។
ជាការឆ្លើយតប ឧត្តមស្នងការ EU ទទួលបន្ទុកកសិកម្ម លោក Janusz Wojciechowski បានអះអាងថា នាបច្ចុប្បន្ននេះ ភាគី EU មានគោលបំណងចង់នាំចូលកសិផលត្រូពិចពីវៀតណាម ព្រមទាំងគាំទ្ររដ្ឋាភិបាលវៀតណាមក្នុងការអភិវឌ្ឍប្រកបដោយចីរភាព ដើម្បីការពារសកម្មភាពផលិតកម្មកសិកម្ម ជាពិសេសផលិតកម្មកសិកម្មខ្នាតតូច។ លោកបានចាត់ទុកថាចាំបាច់ត្រូវជំរុញខ្លាំងរាល់ការខិតខំប្រឹងប្រែងឆ្ពោះទៅរកការអភិវឌ្ឍប្រកបដោយចីរភាព ការអភិវឌ្ឍន៍តាមធម្មជាតិ កសិកម្មឆ្លាតវៃ បន្សាំនឹងការប្រែប្រួលអាកាសធាតុ។
នៅក្នុងជំនូបនេះ លោកឧបនាយករដ្ឋមន្ត្រីក៏បានជូនដំណឹងអំពីរាល់ការខិតខំប្រឹងប្រែង “ដកកាតលឿង IUU” របស់ EC ស្ដីអំពីការនេសាទខុសច្បាប់ គ្មានរបាយការណ៍ និងគ្មានការអនុញ្ញាត។ តាមនោះ វៀតណាម កំពុងបន្តអនុវត្តន៍រាល់ដំណោះស្រាយប្រយុទ្ធប្រឆាំង នឹងការនេសាទ IUU ព្រមទាំងដោះស្រាយឲ្យបានល្អប្រសើររាល់អនុសាសន៍របស់ EU។ លោក ឧបនាយករដ្ឋមន្ត្រីស្នើឱ្យ EU ដក "កាតលឿង" សម្រាប់វៀតណាមឲ្យបានឆាប់ៗផងដែរ៕
