ព័ត៌មាន
លោកអគ្គលេខាបក្ស តូ ឡឹម៖ រណសិរ្សមាតុភូមិវៀតណាមពង្រីកតួនាទីប្រមូលផ្តុំប្រជាជនវៀតណាមគ្រប់ស្រទាប់វណ្ណៈ
នេះជាសំណើរបស់អគ្គលេខាបក្សកុម្មុយនិស្តវៀតណាមលោក តូ ឡឹម ក្នុងជំនួបធ្វើការជាមួយគណៈកម្មាធិការបក្សនៃរណសិរ្សមាតុភូមិវៀតណាមនិងអង្គភាពមជ្ឈិមនានា ដែលបានប្រព្រឹត្តទៅនាព្រឹកថ្ងៃ ទី២៣ មិថុនា នៅទីក្រុងហាណូយ។
ប្រគល់សេចក្តីសម្រេចរបស់ការិយាល័យនយោបាយស្តីពីមុខងារ ភារកិច្ច និង ការរៀបចំក្បាលម៉ាស៊ីនដឹកនាំរបស់គណៈកម្មាធិការមជ្ឈិមរណសិរ្សមាតុភូមិវៀតណាម តាមគំរូថ្មី លោកអគ្គលេខាបក្ស តូ ឡឹម បានអះអាងថា នៅក្នុងដំណាក់កាលបដិវត្តន៍ ទាំងអស់ បក្សកុម្មុយនិស្តវៀតណាមជានិច្ចកាលកំណត់ថា “សាមគ្គីភាព” គឺជាតម្លៃ ស្នូល “មហាសាមគ្គីភាពជាតិទាំងមូល” គឺជាមាគ៌ាយុទ្ធសាស្ត្រ ជាប្រភពកម្លាំងនិងជា កម្លាំងចលករសំខាន់របស់បដិវត្តន៍វៀតណាម។ លោកអគ្គលេខាបក្សបានស្នើឱ្យ រណសិរ្សមាតុភូមិវៀតណាម និងអង្គការសមាជិកបន្តលើកកម្ពស់តួនាទីនយោបាយ ពង្រឹងការងារឃោសនា ប្រមូលផ្តុំ និងចលនាប្រជាជនគ្រប់ស្រទាប់វណ្ណៈក្នុងប្រទេស និងជនវៀតណាមនៅឯបរទេស។ លើកទឹកចិត្តឱ្យសហគ្រាស និងប្រជាជនជំរុញ ផលិតកម្ម អាជីវកម្ម ខិតខំសម្រេចបាននូវអត្រាកំណើនសេដ្ឋកិច្ច ៨% ក្នុងឆ្នាំ ២០២៥ និងអត្រាកំណើនពីរខ្ទង់ចាប់ពីឆ្នាំ ២០២៦ តទៅ៖
“រណសិរ្សមាតុភូមិវៀតណាម និងអង្គការសមាជិកពីមជ្ឈិមដល់ថ្នាក់មូលដ្ឋាន ចាំបាច់ត្រូវលើកកំពស់ប្រជាធិបតេយ្យ ចូលរួមយ៉ាងសកម្មក្នុងការផ្ដល់មតិចំពោះ ឯកសារមហាសន្និបាតបក្សនៅកម្រិតដូចគ្នា រួមចំណែកដល់ជោគជ័យនៃមហាសន្និ បាត។ បន្ទាប់ពីចាប់ផ្តើមដំណើរការក្រោមគំរូថ្មី គណៈកម្មាធិការរណសិរ្សមាតុភូមិវៀត ណាម អង្គការនយោបាយសង្គម និងអង្គការមហាជនដែលបក្ស និងរដ្ឋបានប្រគល់ជូន ភារកិច្ចនោះ ត្រូវច្បាមជាប់នូវមុខងារ ភារកិច្ចរបស់ខ្លួន យកចិត្តទុកដាក់បំពេញឲ្យ កាន់តែល្អនូវមុខងារឃ្លាំមើល បដិវាទសង្គម ផ្តល់យោបល់លើការកសាងបក្ស ដើរ តួនាទីជាស្ពានដ៏រឹងមាំក្នុងទំនាក់ទំនង “បក្សដើម្បីប្រជាជន ប្រជាជនជឿបក្ស”។ លើក កំពស់ប្រជាធិបតេយ្យសង្គមនិយម; ចូលរួមយ៉ាងសកម្មក្នុងការប្រយុទ្ធប្រឆាំងនឹងអំពើ ពុករលួយ ខ្ជះខ្ជាយ និងភាពអវិជ្ជមាន ដើម្បីភាពរីកចម្រើននិងវិបុលភាពរបស់ប្រទេស ជាតិ ដើម្បីសេចក្តីសុខរបស់ប្រជាជន”៕
