នេះគឺជាការសង្កត់ធ្ងន់របស់អគ្គលេខាបក្សកុម្មុយនិស្តវៀតណាមលោក តូ ឡឹម ក្នុងឱកាសជួបសំណេះសំណាលជាមួយកម្មាភិបាល បដិវត្តន៍ជើងចាស់ វីរអ្នកម្តាយវៀតណាម ឧត្តមសេនីយ និងវីរៈជននៃកងកម្លាំងប្រដាប់ អាវុធប្រជាជន ក្នុងជួរកងទ័ពប្រជាជនវៀតណាម ដែលបានប្រព្រឹត្តទៅនាព្រឹកថ្ងៃទី៣១ ខែកក្កដា នៅទីក្រុងហាណូយ។

សំណេះសំណាលយ៉ាងស្និទ្ធស្នាលជាមួយគណៈប្រតិភូក្នុងជំនួបនេះ លោកអគ្គ លេខាបក្ស តូ ឡឹម បានបញ្ជាក់ថា ការលះបង់របស់ជនមានគុណូបការៈទាំងអស់ និង គណៈប្រតិភូដែលមានវត្តមាននៅថ្ងៃនេះ ពិតជាមានអត្ថន័យដ៏ធំធេងសម្រាប់ប្រជាជន និងប្រទេសជាតិ។ លោកអគ្គលេខាបក្ស បានចែករំលែកថា៖

“ពេលវេលាកាន់តែយូរ យើងមានលក្ខខណ្ឌដើម្បីសញ្ជឹងគិត និងយល់ដឹង កាន់តែច្បាស់អំពីភាពមហិមារនៃបដិវត្តន៍ខែសីហា ឆ្នាំ ១៩៤៥ និងកំណើតនៃសាធា រណរដ្ឋប្រជាធិបតេយ្យវៀតណាម នាថ្ងៃទី ២ ខែកញ្ញា ឆ្នាំ ១៩៤៥ ហើយយើងកាន់តែ មានមោទនភាព និងជឿជាក់លើការដឹកនាំដ៏ឈ្លាសវៃរបស់បក្ស និងលោកប្រធាន ហូជីមិញ ភាពអង់អាចក្លាហានមោះមុត ការលះបង់ដ៏ធំធេងរបស់ប្រជាជាតិទាំងមូល ដើម្បីគោលដៅឯករាជ្យជាតិ សន្តិភាព និងការបង្រួបបង្រួមប្រទេសជាតិ”។

អគ្គលេខាបក្សកុម្មុយនិស្តវៀតណាមលោក តូ ឡឹម ថ្លែងនៅជំនួបនេះ។ (រូបថត៖ VNA)

ក្នុងឱកាសនេះដែរ លោកអគ្គលេខាបក្ស តូ ឡឹម បានកោតសរសើរចំពោះការ ផ្ដល់មតិយោបល់ប្រកបដោយភាពខ្លៀវក្លារបស់ប្រតិភូ ចំពោះការអភិវឌ្ឍសេដ្ឋកិច្ច សង្គមរបស់ប្រទេសជាតិ ព្រមទាំងអះអាងថា បក្ស រដ្ឋ ជានិច្ចកាល យកចិត្តទុកដាក់ ដល់ការពង្រីកកម្លាំងនៃផែនមហាសាមគ្គីជនជាតិទាំងមូល ដើម្បីបង្កើតជាកម្លាំង ផ្ទៃក្នុងដ៏ធំធេង នាំប្រទេសវៀតណាមអភិវឌ្ឍន៍កាន់តែខ្លាំងក្លានិងប្រកបដោយ វិបុលភាព៕