ថ្លែងនៅជំនួបធ្វើការ លោកនាយករដ្ឋមន្រ្តី Nguyen Xuan Phuc បានសង្កត់ធ្ងន់ថា បក្ស រដ្ឋតែងតែយកចិត្តទុកដាក់ខ្ពស់បំផុតដល់ការអភិវឌ្ឍនៃរដ្ឋធានី ហើយប្រការនោះត្រូវបានបង្ហាញតាមរយៈការផ្ទៀងស្ដាប់និងការដោះស្រាយសំណើរជាច្រើនរបស់ទីក្រុងនាពេលកន្លងមក។
នារសៀលថ្ងៃទី២៨ មីនា នៅទីក្រុងហាណូយ នាយករដ្ឋមន្រ្តីវៀតណាមលោក Nguyen Xuan Phuc បានអញ្ជើញជាអធិបតីនៅក្នុងជំនួបធ្វើការជាមួយថ្នាក់ដឹកនាំគណៈកម្មាធិការបក្សទីក្រុងហាណូយ។ នេះជាលើកទី៩ក្នុងអាណត្តិនេះហើយ ដែលលោកនាយករដ្ឋមន្រ្តីជួបធ្វើការជាមួយទីក្រុងហាណូយដើម្បីផ្ទៀងស្ដាប់និងបញ្ជាដឹកនាំដោយផ្ទាល់ពីការដោះស្រាយការលំបាក បញ្ហាប្រឈមនានា សំដៅជួយទីក្រុងអភិវឌ្ឍន៍យ៉ាងខ្លាំងក្លាថែមទៀត។
ថ្លែងនៅជំនួបធ្វើការ លោកនាយករដ្ឋមន្រ្តី Nguyen Xuan Phuc បានសង្កត់ធ្ងន់ថា បក្ស រដ្ឋតែងតែយកចិត្តទុកដាក់ខ្ពស់បំផុតដល់ការអភិវឌ្ឍនៃរដ្ឋធានី ហើយប្រការនោះ ត្រូវបានបង្ហាញតាមរយៈការផ្ទៀងស្ដាប់និងការដោះស្រាយសំណើរជាច្រើនរបស់ទីក្រុងនាពេលកន្លងមក។ ដោយសារហាណូយមិនត្រឹមតែជារដ្ឋធានីប៉ុណ្ណោះទេ ថែមទាំងជានគរមួយក្នុងចំណោមនគរពិសេសទាំង២ របស់វៀតណាមទៀតផង។ លោកនាយករដ្ឋមន្រ្តីបានបញ្ជាក់ថា រដ្ឋាភិបាលមានយន្តការ គោលនយោបាយដ៏សមស្របដើម្បីអភិវឌ្ឍន៍ទីក្រុងហាណូយ ដោយឈរលើស្មារតី ហាណូយដើម្បីប្រទេសទាំងមូល ប្រទេសទាំងមូលដើម្បីហាណូយ។
គួរឲ្យជម្រាបបន្ថែមទៀតថា ក្នុងរយៈពេល៣ខែចាប់តាំងពីដើមឆ្នាំមក ទីក្រុងហាណូយបានបន្តអនុវត្តន៍ប្រកបដោយប្រសិទ្ធភាពនូវ “គោលដៅដើរទន្ទឹមគ្នាទាំង២” ដោយបង្ការទប់ស្កាត់ជម្ងឺរាតត្បាតតាមស្មារតី “ប្រយុទ្ធប្រឆាំងនឹងជម្ងឺរាតត្បាតដូចប្រយុទ្ធប្រឆាំងនឹងខ្មាំងសត្រូវ” ផង ព្រមទាំងជំរុញខ្លាំងការធ្វើផលិតកម្មអាជីវកម្មផង។ គិតចាប់តាំងពីការផ្ទុះរាលដាលលើកទី៤នៃ កូវីដ ១៩ កាលពីថ្ងៃទី២៧ មករា មក ទីក្រុងបានឆ្លងកាត់រយៈពេល៤០ថ្ងៃហើយដោយមិនកត់ត្រាករណីឆ្លងថ្មីក្នុងសហគមន៍ឡើយ។ ក្នុងរយៈពេល៣ខែកន្លងមក ស្ថានភាពផលិតកម្ម អាជីវកម្ម មានសញ្ញារីកចម្រើនកាន់តែច្បាស់លាស់៕
តាម VOV5 - វិទ្យុសម្លេងវៀតណាម
