នាព្រឹកថ្ងៃទី៣០ ខែឧសភា ឆ្នាំ២០២២ នៅទីក្រុងហាណូយ ស្ទូឌីយោភាពយន្តឯក សារវិទ្យាសាស្ត្រមជ្ឈិម សម្របសម្រួលជាមួយសមាគមន៍បណ្តាវិទ្យាស្ថាន វប្បធម៌ និងស្ថានទូតបណ្តាប្រទេសអឺរ៉ុប (EUNIC) រៀបចំសន្និសីទសារព័ត៌មាន ដើម្បីប្រកាសពីមហោស្រពភាពយន្តឯកសារវៀតណាម - អឺរ៉ុបលើកទី ១២ ឆ្នាំ ២០២២។ ព្រឹត្តិការណ៍នេះនឹងប្រព្រឹត្តទៅចាប់ពីថ្ងៃទី ៣ ដល់ថ្ងៃទី ១២ ខែមិថុនា នៅស្ទូឌីយោភាពយន្តឯកសារនិងវិទ្យាសាស្ត្រមជ្ឈិម (លេខ ៤៦៥ Hoang Hoa Tham ទីក្រុងហាណូយ) ដោយប្រមូលផ្តុំប្រទេសចំនួន ១០ រួមមាន៖ អូទ្រីស បែលហ្សិក (Wallonia- Brussels) បារាំង អ៊ីតាលី អាល្លឺម៉ង់ អ៊ីស្រាអែល អេស្ប៉ាញ ស្វីស សាធារណរដ្ឋឆែក ចក្រភពអង់គ្លេស និងប្រទេសម្ចាស់ផ្ទះវៀតណាម។
មហោស្រពភាពយន្តឯកសារវៀតណាម - អឺរ៉ុប គឺជាព្រឹត្តិការណ៍ប្រចាំឆ្នាំ ដែលត្រូវបានស្ទូឌីយោភាពយន្តឯកសារនិងវិទ្យាសាស្ត្រមជ្ឈិមសម្រាប់សម្រួល ជាមួយបណ្តាស្ថានទូត និងមជ្ឈមណ្ឌលវប្បធម៌នៃប្រទេសអឺរ៉ុបមួយចំនួនប្រចាំ នៅវៀតណាម រៀបចំឡើងដើម្បីបង្កើនកិច្ចសហប្រតិបត្តិការ និងការផ្លាស់ប្ដូរវប្បធម៌រវាងប្រទេសជាសមាជិកអឺរ៉ុប និងវៀតណាម៕
