មហោស្រពផ្កាជើងគោឆ្នាំ២០១៧បានបើកជាផ្លូវការនៅទីក្រុង Dien Bien Phu (រូបថតៈTTXVN )
ដូចជាព័ត៌មានបានផ្សព្វផ្សាយ នាយប់ថ្ងៃទី១២ ខែមិនា ឆ្នាំ២០១៧ នៅទីក្រុង Dien Bien Phu បានបើកមហោស្រពផ្កាជើងគោឆ្នាំ២០១៧និងទិវាបុណ្យវប្បធម៌ កីឡានិងទេសចរណ៍ក្រុង Dien Bien Phu លើកទី៥។ ប្រធានរដ្ឋសភាវៀតណាម លោកស្រី Nguyen Thi Kim Ngan និងតំណាងក្រសួងស្ថាប័ននៅភាគពាយព្យបានអញ្ជើញចូលរួមក្នុង ព្រឹត្តិការណ៍នេះ។ អញ្ជើញថ្លែងមតិក្នុងពិធីបើក លោក Mua A Son ប្រធានគណៈកម្មាធិការប្រជាជនខេត្ត Dien Bien បានលើកច្បាស់ថា៖
“មហោស្រពផ្កាជើងគោត្រូវបានខេត្ត Dien Bien រៀបចំនាខែមិនាជារៀងរាល់ឆ្នាំ។ តាមរយៈសកម្មភាពនៃពិធីបុណ្យនេះ គឺសំដៅលើកកំពស់ អភិរក្ស និងពង្រីកនូវបេតិកភ័ណ្ឌវប្បធម៌។ ពីនោះ ឧទ្ទេសនាមនូវរូបភាពទឹកដីនិងមនុស្ស Dien Bien Phu ទៅដល់មិត្តភក្តិ ភ្ញៀវទេសចរជាតិនិងអន្តរជាតិសំដៅធ្វើជាបុព្វបទជម្រុញផ្នែកទេសចរណ៍នៅ Dien Bien Phu ឲ្យមានការអភិវឌ្ឍន៍សក្តិសមទៅនឹងសក្កានុភាពនិងប្រៀបខ្លាំងរបស់ខេត្តផងដែរ”។
ក្នុងក្របខ័ណ្ឌនៃមហោស្រពនេះ ចាប់ពីថ្ងៃទី១២ដល់ថ្ងៃទី១៤មិនាបានបើកការតាំងពិព័រណ៍សៀវភៅ រូបថតស្អាតនិង កាដូទេសចរណ៍ ការតាំងពិព័រណ៍វប្បធម៌ប្រពៃណីនៃបណ្តាជនជាតិភាគតិច និងការប្រឡង “ស្រីស្អាតផ្កាជើងគោ” លើកទី១៕
តាម VOV5 - វិទ្យុសម្លេងវៀតណាម
