នាថ្ងៃទី១៤ ខែមេសា ឆ្នាំ២០២៣ នៅសារមន្ទីរវប្បធម៌ជនជាតិខ្មែរខេត្តត្រាវិញ (Tra Vinh) មន្ទីរវប្បធម៌ កីឡា និងទេសចរណ៍ បានសហការជាមួយមជ្ឈមណ្ឌលអភិរក្សកេរដំណែលជាតិ Con Dao ខេត្ត Ba Ria - Vung Tau ដើម្បីបើកការតាំងពិពណ៌ពិសេស “Con Dao - Tra Vinh តភ្ជាប់វប្បធម៌ និងទេសចរណ៍”។ ការតាំងពិព័រណ៍បានប្រមូលផ្តុំរូបភាពជាង ៣០០ ដែលមានខ្លឹមសារចំនួន ៣៖ ពន្ធនាគារ Con Dao - ប្រវត្តិសាស្ត្រ ១១៣ ឆ្នាំ (១៨៦២ - ១៩៧៥); កេរដំណែល Con Dao ក្នុងដួងចិត្តប្រជាជនវៀតណាម និងអន្តរជាតិ; Con Dao - រមណីដ្ឋាន និងសមិទ្ធិផលអភិវឌ្ឍន៍។ ទាំងនេះគឺជាឯកសារដ៏មានតម្លៃ ក្នុងគោលបំណងឧទ្ទេសនាមអំពីប្រវត្តិសាស្ត្រនៃការតស៊ូរបស់ពន្ធនាគារដ៏ធំ និងចំណាស់ជាងគេបំផុតក្នុងប្រព័ន្ធពន្ធនាគារក្រោមរបបអាណានិគមចាស់ និងថ្មីសម្រាប់យុទ្ធជនបដិវត្តន៍ និងជនរួមជាតិដែលស្នេហាជាតិវៀតណាម រួមជាមួយនឹងការកសាង និងអភិវឌ្ឍន៍ របស់ Con Dao។
ពិព័រណ៌ក៏ណែនាំដល់អ្នកទស្សនានូវរូបភាពជិត ១២០ លើប្រធានបទដូចតទៅ៖ វប្បធម៌ត្រាវិញ - ទេសចរណ៍ក្នុងសមាហរណកម្ម និងអភិវឌ្ឍន៍; គ្រោងនៃវប្បធម៌វៀតណាម (១៩៤៣ - ២០២៣) និងរូបភាពសិល្បៈដោយប្រធានបទ “វប្បធម៌ - ទេសចរណ៍ Tra Vinh គោលដៅមិត្តភាព”។ ពិព័រណ៍នេះបើកបម្រើអ្នកចូលទស្សនាចាប់ពីថ្ងៃទី១៤ ខែមេសា ដល់ចុងខែឧសភា ឆ្នាំ២០២៣៕
