• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ពិធីអបអរសាទរខួបលើកទី ៨០ នៃទិវាបុណ្យជាតិថ្ងៃទី ២ កញ្ញានៅក្រៅប្រទេស

ចូលរួមបរិយាកាសអបអរសាទរខួបលើកទី ៨០ នៃបដិវត្តន៍ខែសីហា និងទិវាបុណ្យជាតិថ្ងៃទី ២ ខែកញ្ញា ជាមួយទូទាំងប្រទេស នាថ្ងៃទី ២៨ ខែសីហា ស្ថានទូតវៀតណាមប្រចាំប្រទេសមួយចំនួនបានប្រារព្ធពិធីអបអរសាទរយ៉ាងឱឡារិក ក្នុងឱកាសនេះ។
រដ្ឋមន្ត្រីការបរទេសឆែក lok Jan Lipavsky (កណ្តាល) ថតរូបអនុស្សាវរីយ៍ជាមួយតំណាងទីភ្នាក់ងារការទូតវៀតណាម។ រូបថត៖ VOV

ក្នុងពិធីរៀបចំដោយស្ថានអគ្គកុងស៊ុលវៀតណាមប្រចាំនៅទីក្រុងស៊ីដនី (អូស្ត្រាលី) នាល្ងាចថ្ងៃទី២៨ សីហា ឧត្តមសេនីយឯក Le Tan Toi ប្រធានគណៈកម្មាធិការការពារជាតិ សន្តិសុខ និងកិច្ចការបរទេសនៃរដ្ឋសភាបានសំដែងមោទនភាពចំពោះវៀតណាមជាប្រទេសសន្តិភាព ស្ថិរភាព ថាមពល និងច្នៃប្រឌិត។ លោក Le Tan Toi បានអះអាងថា ភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរគឺជាចំណុចរបត់មួយដើម្បីជួយពង្រីកកិច្ចសហប្រតិបត្តិការទ្វេភាគីទៅកាន់វិស័យផ្សេងទៀតនៃសម័យកាល កាន់តែបង្ហាញឱ្យឃើញកាន់តែច្បាស់អំពីកម្រិតនៃទំនុកចិត្តយុទ្ធសាស្ត្រដ៏ស៊ីជម្រៅរវាងប្រទេសទាំងពីរ។ អញ្ជើញចូលរួមក្នុងពិធីនេះ លោក Benjamin Franklin ប្រធានព្រឹទ្ធសភានៃរដ្ឋ New South Wales បានវាយតម្លៃថា ទំនាក់ទំនងជិតស្និទ្ធរវាងវៀតណាមនិងអូស្ត្រាលី មិនត្រឹមតែជាយុទ្ធសាស្ត្រឬការទូតប៉ុណ្ណោះទេ ថែមទាំងបង្កប់ដោយលក្ខណៈមនុស្សាស្ត្រយ៉ាងជ្រាលជ្រៅទៀតផង។

ក្នុងពិធីអបអរសាទរនៅទីក្រុង Prague សាធារណៈរដ្ឋឆែក ឯកអគ្គរដ្ឋទូត លោក Duong Hoai Nam បានសង្កត់ធ្ងន់ថា សាធារណៈរដ្ឋឆែកតែងតែជាមិត្តប្រពៃណីនិងជាដៃគូដែលអាចទុកចិត្តបានរបស់វៀតណាម។ តាមលោកឯកអគ្គរដ្ឋទូត ភាគីទាំងពីរនៅតែមានសក្កានុពលជាច្រើនសម្រាប់ការអភិវឌ្ឍនាពេលអនាគត។ លោកឯកអគ្គរដ្ឋទូតសង្ឃឹមថា នៅពេលដែលជើងហោះហើរត្រង់ត្រូវបានបង្កើតឡើង កិច្ចសហប្រតិបត្តិការពាណិជ្ជកម្ម និងទេសចរណ៍រវាងប្រទេសទាំងពីរនឹងកាន់តែរីកចម្រើនខ្លាំងនាពេលអនាគត។

នាថ្ងៃដដែល ស្ថានអគ្គកុងស៊ុលវៀតណាមប្រចាំខេត្ត Khon Kaen (ប្រទេសថៃ) បានប្រារព្ធពិធីអបអរសាទរខួបលើកទី ៨០ នៃទិវាបុណ្យជាតិលើកទី ៨០ នៅថ្ងៃទី ២ ខែកញ្ញា នៅទីក្រុង Udon Thani៕  

តាម VOV5 - វិទ្យុសំឡេងវៀតណាម

ធ្វើឱ្យស៊ីជម្រៅថែមទៀតភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយវៀតណាម-ចិន

ធ្វើឱ្យស៊ីជម្រៅថែមទៀតភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយវៀតណាម-ចិន

តបតាមការអញ្ជើញរបស់រដ្ឋាភិបាលនៃសាធារណៈរដ្ឋប្រជាមានិតចិន នាយករដ្ឋមន្ត្រីវៀតណាម លោក ហ្វាម មិញជិញ នឹងអញ្ជើញចូលរួមកិច្ចប្រជុំកំពូលរបស់អង្គការសហប្រតិបត្តិការសៀងហៃ (SCO) នៅទីក្រុង Tianjin និងបំពេញទស្សនកិច្ចនៅប្រទេសចិនចាប់ពីថ្ងៃទី ៣១ ខែសីហា ដល់ថ្ងៃទី១ ខែកញ្ញា ឆ្នាំ២០២៥ ក្នុងនាមជាភ្ញៀវកិត្តយសរបស់ប្រទេសម្ចាស់ផ្ទះ។

Top