នេះក៏ជាគោលដៅនៃព្រឹត្តិការណ៍ផ្បព្វផ្សាយការវិនិយោគនិងជំរុញពាណិជ្ជកម្ម ដែលត្រូវបានស្ថានទូតវៀតណាមប្រចាំនៅបារាំង និងស្ថាប័នតំណាងនៃក្រសួងផែនការ និងវិនិយោគវៀតណាម ក្រសួងឧស្សាហកម្ម និងពាណិជ្ជកម្មវៀតណាម ក្រសួងវិទ្យាសាស្ត្រ និងបច្ចេកវិទ្យាវៀតណាមប្រចាំនៅបារាំងរៀបចំឡើងចាប់ពីថ្ងៃទី ២ ដល់ថ្ងៃទី ៤ ខែឧសភា នៅទីក្រុង Nice និងប្រទេសម៉ូណាកូ។
នៅក្នុងកិច្ចសន្ទនាសេដ្ឋកិច្ចនាថ្ងៃទី ៤ ឧសភា នៅប្រទេសម៉ូណាកូ លោក Christophe Gamon ប្រធានគណៈកម្មការអន្តរជាតិនៃសភាពាណិជ្ជកម្ម និងឧស្សាហកម្ម Nice Côte d'Azur បានអះអាងថា វៀតណាមតែងតែជាគោលដៅគួរឲ្យទាក់ទាញសម្រាប់សហគ្រាសនៅទីក្រុង Nice ព្រោះថាតាំងពីរយូរណាស់មកហើយ ទីក្រុង Nice និងវៀតណាម តែងតែមានទំនាក់ទំនងអំពីវប្បធម៌តាមរយៈសហគមន៍ជនវៀតណាមនៅទីក្រុង Nice ។ លោក Gamon ក៏បានចាត់ទុកថា ក្រោយពីព្រឹត្តិការណ៍ជាន់ខ្ពស់ ក្នុងទំនាក់ទំនងរវាងវៀតណាម -បារាំង នាពេលថ្មីៗនេះ គឺបណ្ដាសហគ្រាសនៅទីក្រុង Nice និងតំបន់ Côte d'Azur មានចំណាប់អារម្មណ៍ចំពោះទីផ្សារវៀតណាម។
នៅក្នុងកិច្ចសន្ទនានេះ សហក្រាសនៃប្រទេសម៉ូណាកូជិត ៦០ អង្គភាពបានស្វែងយល់រាល់កាលានុវត្តភាពវិនិយោគ សហប្រតិបត្តិការ ធ្វើអាជីវកម្មជាមួយវៀតណាមអំពីដំណើរការកាត់បន្ថយពន្ធរបស់វៀតណាមចំពោះដៃគូពាណិជ្ជកម្មធំៗ អំពីទ្រង់ទ្រាយតំបន់កំពង់ផែពន្ធគយ-ពាណិជ្ជកម្ម និងអំពីទេសចរណ៍ ឱសថ សេដ្ឋកិច្ចឌីជីថលផងដែរ៕
