នាព្រឹកថ្ងៃទី១៤ ខែមិថុនា ឆ្នាំ២០២២ នៅសាលប្រជុំរដ្ឋាភា ក្នុងក្រខខ័ណ្ឌនៃសម័យប្រជុំលើកទី ៣ រដ្ឋសភាវៀតណាមនិតិកាលទី ១៥ សមាជិករដ្ឋសភាបានធ្វើការពិភាក្សាអំពីគម្រោងច្បាប់ស្ដីពីការអនុវត្តប្រជាធិបតេយ្យនៅមូលដ្ឋាន។ អង្គប្រជុំបានចាត់ទុកថា នេះគឺជាគម្រោងច្បាប់ ដែលមានឥទ្ធិពលចំពោះមុខសញ្ញាជាច្រើន ហើយមានលក្ខណៈដ៏វិសេសវិសាលក្នុងរបៀបរបបនយោបាយ ច្បាប់របស់វៀតណាម។ គម្រោងច្បាប់នេះសំដៅរួមចំណែកកសាងច្បាប់តាមរយៈទស្សនៈរបស់បក្ស ក៏ដូចជាសតិអារម្មណ៍របស់លោកប្រធានហូជីមិញអំពីប្រជាធិបតេយ្យសង្គមនិយម រួមចំណែកក្នុងការកសាង និងសុក្រិតនីតិរដ្ឋសង្គមនិយមរបស់ប្រជាជន ដោយសារប្រជាជន និងដើម្បីប្រជាជន។ អញ្ជើញថ្លែងនៅក្នុងសម័យពិភាក្សា លោក Hoang Van Cuong សមាជិករដ្ឋសភា មកពីទីក្រុងហាណូយបានឲ្យដឹងថា៖ “ប្រសិនបើយើងបានអនុវត្តន៍ប្រជាធិបតេយ្យនៅមូលដ្ឋានឲ្យបានល្អ បើកចំហ និងតម្លាភាព ដើម្បីប្រជាជនយល់ដឹងអំពីព័ត៌មាន និងសកម្មភាពរបស់ស្ថានប័នគ្រប់គ្រងរដ្ឋក្នុងការប្រើប្រាស់ប្រភពធនធានសាធារណៈក្នុងការសម្រេចចិត្តទាក់ទងនឹងប្រជាជន និងសហគមន៍នោះ យើងនឹងទទួលបានមតិយោបល់ចូលរួមចំណែករបស់ប្រជាជនដើម្បីធ្វើការសម្រេចចិត្តឲ្យបានល្អ។ ដូច្នេះហើយ ខ្ញុំស្នើឲ្យប្រកាសជាសាធារណៈនូវ អ្វីៗដែលទាក់ទងនឹងការគ្រប់គ្រងប្រភពធានធានសាធារណៈ ពាក់ព័ន្ធនឹងប្រជាពលរដ្ឋ លើកលែងតែអ្វីដែលជាការសម្ងាត់របស់រដ្ឋ”។
នាថ្ងៃទី១៤ មិថុនា ដដែល សមាជិករដ្ឋសភាបានបោះឆ្នោតអនុម័តលើសេចក្តីសម្រេចចិត្តបង្កើតក្រុមត្រួតពិនិត្យឯកទេសឆ្នាំ ២០២៣ ស្តីពីការកៀរគរ គ្រប់គ្រង និងប្រើប្រាស់ប្រភពធនធានសម្រាប់ការបង្ការ និងប្រយុទ្ធប្រឆាំងជំងឺរាតត្បាតកូវីដ-១៩ផងដែរ៕
