ព័ត៌មាន
ប្រធានរដ្ឋសភា លោក Vuong Dinh Hue៖ កសាងផ្នែកបោះពុម្ពផ្សាយទៅជាផ្នែកសំខាន់មួយនៃឧស្សាហកម្មវប្បធម៌
ក្នុងឱកាសរំលឹកខួបលើកទី ៧០ នៃទិវាប្រពៃណីនៃផ្នែកបោះពុម្ពផ្សាយសៀវភៅវៀត ណាម (១០ តុលា ១៩៥២ - ១០ តុលា ២០២២) នាព្រឹកថ្ងៃទី ១០ តុលា នៅទីក្រុងហាណូយ ប្រធានរដ្ឋសភាវៀតណាម លោក Vuong Dinh Hue បានអញ្ជើញជួបជាមួយកម្មាភិបាលជើងចាស់ និងតំណាងឆ្នើមចំនួន ៨៦ នាក់ ក្នុងវិស័យបោះពុម្ព ផ្សាយសៀវភៅ។
ថ្លែងមតិនៅទីនេះ ប្រធានរដ្ឋសភាវៀតណាម លោក Vuong Dinh Hue បានជូនពរឲ្យផ្នែកបោះពុម្ពនឹងនឹងដំណើការផ្លាស់ប្តូរឌីជីថលប្រកបដោយជោគជ័យ ដោយប្រែក្លាយការបោះពុម្ពអេឡិចត្រូនិកទៅជាមុខព្រួញនៃការអភិវឌ្ឍក៏ដូចជា អះអាងឋានៈរបស់ផ្នែកបោះពុម្ពផ្សាយរបស់វៀតណាមក្នុងតំបន់។
“ខ្ញុំគិតថា ផ្នែកបោះពុម្ភ រួមទាំងការបោះពុម្ព ទាំងការចេញផ្សាយ គឺជាអ្នកត្រួសត្រាយផ្លូវលើសមរភូមិមនោគមវិជ្ជា និងវប្បធម៌ ហើយយើងអាចកសាងវប្បធម៌វៀតណាម ជឿនលឿន និងសម្បូរបែបដែរឬអត់ គឺផ្នែកបោះពុម្ភផ្សាយដើរតួនាទីយ៉ាងធំធេងដែរ។ លើសពីនេះ អ្នកដែលបំពេញការងារផ្នែកបោះពុម្ព និងចេញផ្សាយ ហើយក៏ជាអ្នកជំនួញ និងសហគ្រិនផងដែរ។ ក្នុងអំឡុងពេលជាង ៣៥ ឆ្នាំនៃការផ្លាស់ប្តូរថ្មី និងជាពិសេសនៅគណៈកម្មាធិការមជ្ឈិមទី ៦ ក៏បានពិភាក្សាអំពីការបន្តជំរុញឧស្សាហូបនីយកម្ម និងទំនើបកម្មរបស់ប្រទេស។ ក្នុងនោះ នៅតែកំណត់ថា ក្រុមអ្នកជំនួញនិងសហគ្រិនតែងតែជាកម្លាំងត្រួសត្រាយផ្លូវ”៕
