• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ប្រធានរដ្ឋវៀតណាមលោក លឿង គឿង ផ្ញើសារអបអរសាទរខួបលើកទី ៨០ ទិវាបង្កើតអង្គការសហប្រជាជាតិ

ឆ្លើយតបនឹងគំនិតផ្តួចផ្តើមរបស់ប្រធានមហាសន្និបាតអង្គការសហប្រជាជាតិនីតិកាលទី៧៩ លោកឯកអគ្គរដ្ឋទូត Philemon Yang កាលពីថ្ងៃទី ១ សីហា ប្រធានរដ្ឋវៀត ណាមលោក លឿង គឿង បានផ្ញើសារអបអរសាទរក្នុងឱកាសខួបលើកទី ៨០ ទិវាបង្កើតអង្គការសហប្រជាជាតិ (ថ្ងៃទី ២៤ ខែតុលា ឆ្នាំ ១៩៤៥ - ថ្ងៃទី ២៤ ខែតុលា ឆ្នាំ ២០២៥)។

ព្រឹត្តិការណ៍អនឡាញនេះមានការចូលរួមថ្លែងសុន្ទរកថារបស់ប្រធានហាសន្និបាតលោក Philemon Yang អគ្គលេខាធិការអង្គការសហប្រជាជាតិ លោក Antonio Guterres និងប្រមុខរដ្ឋ និងរដ្ឋាភិបាលភាគច្រើននៃប្រទេសជាសមាជិកអង្គការសហ ប្រជាជាតិផងដែរ។
ប្រធានរដ្ឋនៃសាធារណៈរដ្ឋសង្គមនិយមវៀតណាមលោក លឿង គឿង។ (រូបថត៖ VNA)
ក្នុងសាររបស់ខ្លួន លោកប្រធានរដ្ឋ លឿង គឿង បានអះអាងថា ក្នុងរយៈពេល ៨០ ឆ្នាំកន្លងមកនេះ អង្គការសហប្រជាជាតិបានបំភ្លឺនូវជំនឿជាក់ និងក្តីសង្ឃឹមអំពី សន្តិភាពយូរអង្វែង និងការអភិវឌ្ឍប្រកបដោយចីរភាពរបស់ប្រទេសជាតិ និងប្រជាជន ទាំងអស់ ដោយបានជួយបង្ហាញអំពីសារៈសំខាន់ និងកម្លាំងរស់ដ៏ខ្លាំងក្លានៃពហុភាគី និយម ព្រមទាំងអះអាងនូវតួនាទីដែលមិនអាចជំនួសបានក្នុងការសម្រេចបាននូវ សេចក្តីប្រាថ្នារបស់មនុស្សជាតិអំពីការកសាងពិភពលោកកាន់តែល្អប្រសើរ ដោយឈរ លើមូលដ្ឋាននៃតម្លៃជាសកលនោះ គឺឯករាជ្យជាតិ អធិបតេយ្យភាពជាតិ សមភាព និងវឌ្ឍនភាពសង្គម។
លោកប្រធានរដ្ឋបានមានប្រសាសន៍ថា ក្នុងបរិបទដែលស្ថានការណ៍អន្តរជាតិ និងតំបន់កាន់តែស្មុគស្មាញ មិនអាចទាយទុកជាមុនបាន ហើយពិភពលោកកំពុង ប្រឈមមុខនឹងការផ្លាស់ប្តូរជាមូលដ្ឋាននៃសម័យកាល បណ្តាប្រទេសត្រូវតែខិតខំ ប្រឹងប្រែងគាំទ្រចំពោះពហុភាគីនិយម ពង្រឹងកិច្ចសហប្រតិបត្តិការនិងសាមគ្គីភាព អន្តរជាតិ ការគោរពតាមច្បាប់អន្តរជាតិ និងធម្មនុញ្ញអង្គការសហប្រជាជាតិ។ លោកប្រធានរដ្ឋក៏បានធ្វើអត្ថាធិប្បាយផងដែរថា នេះគឺជាពេលវេលាសម្រាប់អង្គការសហ ប្រជាជាតិធ្វើកំណែទម្រង់យ៉ាងខ្លាំងក្លា ដើម្បីសម្របខ្លួនឱ្យកាន់តែប្រសើរទៅនឹង បរិបទថ្មី បង្កើនប្រសិទ្ធភាព ក្នុងការអនុវត្តបេសកកម្មរបស់ខ្លួន។
លោកប្រធានរដ្ឋ លឿង គឿង ក៏បានអះអាងដែរថា វៀតណាមនឹងបន្តជាដៃគូ ដែលអាចទុកចិត្តបាន ជាសមាជិកសកម្ម និងទទួលខុសត្រូវ រួមដំណើរជាមួយអង្គការ សហប្រជាជាតិ និងសហគមន៍អន្តរជាតិក្នុងការដោះស្រាយការលំបាក ជំនះពុះពារ លើបញ្ហាប្រឈម រួមគ្នាជំរុញសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍ ប្រកបដោយវិបុលភាពនៃប្រទេសនីមួយៗ តំបន់នីមួយៗ និងលើទូទាំងពិភពលោក៕

តាម​ VOV5 - វិទ្យុសម្លេងវៀតណាម

ប្រធានរដ្ឋសភាលោក Tran Thanh Man អញ្ជើញជួបសន្ទនាជាមួយប្រធានរដ្ឋសភានូវែលសេឡង់លោក Gerry Brownlee

ប្រធានរដ្ឋសភាលោក Tran Thanh Man អញ្ជើញជួបសន្ទនាជាមួយប្រធានរដ្ឋសភានូវែលសេឡង់លោក Gerry Brownlee

តបតាមការអញ្ជើញរបស់ប្រធានរដ្ឋសភាវៀតណាម លោក Tran Thanh Man ប្រធានរដ្ឋសភានូវែលហ្សេឡង់ លោក Gerry Brownlee បានអញ្ជើគមកបំពេញទស្សនកិច្ចជាផ្លូវការនៅវៀតណាម ចាប់ពីថ្ងៃទី២៧ ដល់ថ្ងៃទី៣១ ខែសីហា ឆ្នាំ២០២៥។

Top