គណៈវិនិច្ឆ័យនៃពានរង្វាន់សន្តិភាពអន្តរជាតិ Lev N. Tolstoy នៅថ្ងៃទី២៤ ខែកក្កដា បានប្រកាសសេចក្ដីសម្រេចចិត្ត ប្រគល់ពានរង្វាន់សន្តិភាពអន្តរជាតិ Lev N. Tolstoy ឆ្នាំ២០២៦ ដល់អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម និងជាប្រធានរដ្ឋនៃសាធារណរដ្ឋសង្គមនិយមវៀតណាម លោក តូ ឡឹម ដើម្បីទទួលស្គាល់ការចូលរួមចំណែកដ៏ធំធេងរបស់មេដឹកនាំវៀតណាម ក្នុងការពង្រឹងសន្តិភាព និងបង្កើនកិច្ចសហប្រតិបត្តិការរវាងប្រជាជាតិនានា។
ពានរង្វាន់សន្តិភាពអន្តរជាតិ Lev N. Tolstoy គឺជារពានង្វាន់អន្តរជាតិដ៏មានកិត្យានុភាព ដែលផ្តួចផ្តើមឡើងដោយសហព័ន្ធរុស្ស៊ី ដើម្បីលើកតម្កើងដល់បុគ្គល និងអង្គការដែលបានចូលរួមចំណែកយ៉ាងលេចធ្លោនៅក្នុងបុព្វហេតុរក្សាសន្តិភាព ជំរុញកិច្ចសន្ទនា កិច្ចសហប្រតិបត្តិការ និងការយោគយល់គ្នាទៅវិញទៅមករវាងបណ្តាប្រជាជាតិ។ ពានរង្វាន់នេះត្រូវបានបង្កើតឡើងក្នុងនាមអ្នកនិពន្ធដ៏អស្ចារ្យ Lev Tolstoy ជាអ្នកនិពន្ធ និងទស្សនវិទូជនជាតិរុស្ស៊ីដ៏ល្បីល្បាញ ដែលមានឥទ្ធិពលយ៉ាងខ្លាំងទៅលើមនោគមន៍វិជ្ជានៃសន្តិភាព អហិង្សា និងក្រុមសីលធម៌នៅទូទាំងពិភពលោក។
យោងតាមគណរៀបចំ ពានរង្វាន់នេះមានគោលបំណងទទួលស្គាល់ការចូលរួមចំណែកជាក់ស្តែងក្នុងការដោះស្រាយជម្លោះដោយសន្តិវិធី ការបង្កើនកិច្ចសហប្រតិបត្តិការអន្តរជាតិ និងការជំរុញកិច្ចសន្ទនារវាងខឿនវប្បធម៌នានា៕
តាម vovworld.vn/km-KH
