ក្នុងជំនួបនេះ ប្រធានរដ្ឋ លោក លឿង គឿងបានអះអាងថា នៅគ្រប់ដំណាក់កាល អភិវឌ្ឍន៍របស់ប្រទេសជាតិ ភូមិសិប្បកម្មនៅតែជាកន្លែងធានាជីវភាពរស់នៅប្រកបដោយនិរន្តរភាព សុវត្ថិភាពបំផុត និងអាចចូលដំណើរការបានច្រើនបំផុត ជំនួយដល់កម្លាំងពលកម្មជនបទ ធានាសន្តិសុខសង្គម។ ដូច្នេះ វៀតណាមត្រូវជំរុញការបណ្តុះបណ្តាលវិជ្ជាជីវៈ ជំរុញស្មារតីសហគ្រិនដ៏រឹងមាំក្នុងចំណោមកម្លាំងពលកម្មវ័យក្មេងនៅជនបទ; យកចិត្តទុកដាក់និងថែរក្សាលើកកម្ពស់ជីវភាពខាងសម្ភារៈ និងខាងស្មារតីរបស់ប្រជាជនក្នុងភូមិសិប្បកម្ម។
លោកប្រធានរដ្ឋ លឿង គឿងបានស្នើថា៖ “ចាំបាច់ត្រូវផ្សព្វផ្សាយ ធ្វើបច្ចុប្បន្នភាពចំណេះដឹង បណ្តុះបណ្តាល និងបង្កើនជំនាញជាប្រព័ន្ធ និងវិធីសាស្រ្ត; ការពារសិទ្ធិស្របច្បាប់របស់អ្នកផលិត; បង្កើតលំហ និងបរិយាកាសអំណោយផលសម្រាប់ជំនាន់សិប្បករ កម្មករជំនាញ និងប្រជាជនភូមិសិប្បកម្ម ដើម្បីពង្រីកសក្តានុពលនិងប្រៀបខ្លាំងរបស់ខ្លួន។ ទន្ទឹមជាមួយគ្នានោះ ត្រូវយកចិត្តទុកដាក់ពិសេសដល់កិច្ចការពារបរិស្ថានក្នុងភូមិសិប្បកម្ម ផ្សព្វផ្សាយឲ្យប្រជាជនអនុវត្តគំរូអភិវឌ្ឍន៍សេដ្ឋកិច្ចប្រកបដោយនិរន្តរភាព សេដ្ឋកិច្ចបៃតង សេដ្ឋកិច្ចវិលជុំ និងស្និទ្ធិស្នាលជាមួយបរិស្ថាន អភិវឌ្ឍវិជ្ជាជីវៈដើរទន្ទឹមជាមួយនឹងការអភិវឌ្ឍប្រកបដោយចីរភាព”។
លោកប្រធានរដ្ឋ លឿង គឿង ក៏បានស្នើដល់ក្រសួង សាខា និងស្ថាប័នពាក់ព័ន្ធ ពង្រឹងការស្រាវជ្រាវ និងស្នើដំណោះស្រាយកែលម្អយន្តការ និងគោលនយោបាយជំរុញការអភិវឌ្ឍភូមិសិប្បកម្មនៅវៀតណាម៕
