នាព្រឹកថ្ងៃទី១១ ខែមករា ឆ្នាំ២០១៩ នៅទីស្នាក់ការរដ្ឋាភិបាល នាយករដ្ឋមន្រ្តីវៀត ណាមលោក Nguyen Xuan Phuc បានអញ្ជើញទទួលជួបជាមួយលោក Shim Won Hwan អគ្គនាយករងប្រតិបត្តិនៃសម្ព័ន្ធក្រុមហ៊ុន Samsung អគ្គនាយកក្រុមហ៊ុនសេវាកម្មអេឡិចត្រូនិក Samsung ប្រទេសកូរ៉េខាងត្បូង។

 នាយករដ្ឋមន្រ្តីវៀត ណាមលោក Nguyen Xuan Phuc (ខាងស្ដាំ) អញ្ជើញទទួលជួបជាមួយលោក Shim Won Hwan អគ្គនាយករងប្រតិបត្តិនៃសម្ព័ន្ធក្រុមហ៊ុន Samsung អគ្គនាយកក្រុមហ៊ុនសេវាកម្មអេឡិចត្រូនិក Samsung

នៅក្នុងជំនួបនេះ លោកនាយករដ្ឋមន្រ្តីបានសម្ដែងនូវគោល បំណងថា ក្នុងឆ្នាំ២០១៩ ក្រុមហ៊ុន Samsung នឹងសម្រេចបាននូវលទ្ធផលគួរអោយចាប់អារម្មណ៍ថែមទៀតក្នុងសកម្មភាពអាជីវកម្មនៅវៀតណាម។ រដ្ឋា ភិបាល​វៀតណាម​សន្យាធានាស្ថិរភាពម៉ាក្រូសេដ្ឋកិច្ចនិងកែលម្អបរិយាកាសវិនិយោគធ្វើអាជីវកម្មនៅក្នុងប្រទេស។ លោកនាយករដ្ឋមន្រ្តីក៏មានគោលបំណងចង់ Samsung បន្តពង្រីកមូលដ្ឋានផលិតកម្មនៅវៀតណាមផងដែរ។

រីឯខ្លួនវិញ លោក Shim Won Hwan បានអះអាងថា វៀតណាមជានិច្ចកាលជាទីកន្លែងបណ្ដាក់ទុនដ៏សំខាន់មួយក្នុងយុទ្ធសាស្ត្រជាសកលរបស់ Samsung។ ដោយហេតុនេះ Samsung សន្យានឹងបន្តពង្រីកការវិនិយោគនិងធ្វើអាជីវកម្មដ៏យូរអង្វែងនៅវៀតណាម៕
 

តាម VOV5 - វិទ្យុសម្លេងវៀតណាម