នារសៀលថ្ងៃទី ២៧ មករា នៅទីក្រុងហាណូយ នាយករដ្ឋមន្ត្រីវៀតណាមលោក Pham Minh Chinh បានដឹកនាំកិច្ចប្រជុំ រដ្ឋាភិបាលដើម្បីវាយតម្លៃលើស្ថានភាពបុណ្យតេត  និងអនុវត្តន៍ភារកិច្ចក្រោយបុណ្យតេត។

អញ្ជើញថ្លែងសន្និដ្ឋានកិច្ចប្រជុំ លោកនាយករដ្ឋមន្ត្រី Pham Minh Chinh បានសង្កត់ធ្ងន់ថា បុណ្យតេតឆ្នាំ ២០២៣ បានប្រព្រឹត្តទៅ សម្រេចបាននូវគោលដៅដែលបានកំណត់ដោយគណៈលេខា រដ្ឋាភិបាល និងលោកនាយករដ្ឋមន្ត្រី ដែលបានដាក់ចេញ។ ការងារថែទាំនិងរៀបចំកម្មវិធីទទួលអំណរឆ្នាំថ្មីត្រូវបានអនុវត្តន៍ដោយព្រមៗគ្នា ពេញលេញទាន់ពេលវេលានៅគ្រប់មូលដ្ឋាន។

អំពីភារកិច្ចសំខាន់ៗក្រោយពីបុណ្យតេត និងក្នុងឆ្នាំ ២០២៣ លោកនាយករដ្ឋមន្ត្រី Pham Minh Chinh បានស្នើឱ្យក្រសួង ស្ថាប័ន និងមូលដ្ឋាននានាត្រូវចាប់ផ្តើមការងារជាបន្ទាន់ កុំឱ្យប៉ះពាល់ដល់សកម្មភាពផលិតកម្ម អាជីវកម្ម និងសកម្មភាពសេដ្ឋកិច្ចសង្គម។ លោកនាយករដ្ឋមន្ត្រីជឿជាក់ថា ដោយមានស្មារតីថ្មីលទ្ធផលនៃការអភិវឌ្ឍសេដ្ឋកិច្ចសង្គមនៅឆ្នាំ ២០២៣ នឹងខ្ពស់ជាងឆ្នាំ ២០២២ ជាក់ជាពុំខានផងដែរ៕