តាមក្រសួងការបរទេសវៀតណាមកាលពីថ្ងៃទី៥ ខែធ្នូ បានឲ្យដឹងថា ទទួលការ អញ្ជើញរបស់ប្រធានក្រុមប្រឹក្សាអឺរ៉ុបលោក Charles Michel នាយករដ្ឋមន្ត្រីលុចសំបួ លោក Xavier Bettel នាយករដ្ឋមន្ត្រីហូឡង់ លោក Mark Rutte និងនាយករដ្ឋមន្ត្រី បែលហ្ស៊ិក លោក Alexander De Croo នាយករដ្ឋមន្រ្តីរដ្ឋាភិបាលវៀតណាមលោក Pham Minh Chinh នឹងដឹកនាំគណៈប្រតិភូជាន់ខ្ពស់វៀតណាម ទៅចូលរួមកិច្ចប្រជុំ កំពូលក្នុងឱកាសអបអរសាទរខួប ៤៥ឆ្នាំនៃទំនាក់ទំនងរវាងសមាគមប្រជាជាតិអាស៊ី អាគ្នេយ៍ (អាស៊ាន) និងសហភាពអឺរ៉ុប (EU) និងទៅបំពេញទស្សនកិច្ចជាផ្លូវការនៅ ប្រទេស លុចសំបួ ព្រះរាជាណាចក្រហូឡង់ និង ព្រះរាជាណាចក្របែលហ្សិក។

ដំណើរទស្សនកិច្ចទៅកាន់ប្រទេសលុចសំបួរ ហូឡង់ បែលហ្សិក និងចូលរួម កិច្ចប្រជុំកំពូលអាស៊ាន-សហភាពអឺរ៉ុប នឹងប្រព្រឹត្តទៅចាប់ពីថ្ងៃទី ៩ ដល់ថ្ងៃទី ១៥ ខែធ្នូ៕