កត្តាដែលនាំឱ្យវៀតណាមក្លាយជាចំណុចលេចធ្លោក្នុងការទាក់ទាញទុនវិនិយោគ រួមមានស្ថិរភាពនយោបាយ កម្លាំងពលករវ័យក្មេង និងមានកម្រិតចំណេះដឹងខ្ពស់ ហេដ្ឋារចនាសម្ព័ន្ធរីកចម្រើន ជំនាញឌីជីថល និងសមត្ថភាពច្នៃប្រឌិត... រដ្ឋមន្ត្រីក្រសួង ផែនការ និងវិនិយោគ លោក Nguyen Chi Dung បានឲ្យដឹងថា៖ “នៅឯព្រឹត្តិការណ៍ Techfest Vietnam ២០២២ កាលពី ២ សប្តាហ៍មុន លោក នាយករដ្ឋមន្រ្តី Pham Minh Chinh បានសង្កត់ធ្ងន់ថា ចាំបាច់ត្រូវផ្តោតសំខាន់លើការ កសាង សុក្រិតរបៀបរបប យន្តការ គោលនយោបាយ ទីផ្សារមូលធនតាមទិសដៅ ស្របតាមយន្តការទីផ្សារ និងទម្លាប់អន្តរជាតិ។ ដើម្បីបំពេញតម្រូវការ និងភារកិច្ចខាង លើ ខ្ញុំចាត់ទុកថា មូលនិធិវិនិយោគ និងសហគ្រាសនវានុវត្តន៍ នឹងក្លាយជាដៃគូដ៏ សំខាន់របស់រដ្ឋាភិបាល ក្រសួង និងស្ថាប័ននានា ដើម្បីចែករំលែក ជួយឧបត្ថម្ភ និង ផ្ដល់មតិក្នុងការតាក់តែងគោលនយោបាយ ស្ដីពីការវិនិយោគលើការចាប់ផ្ដើមអាជីវកម្ម ផ្នែកនវានុវត្តភាព ជួយវៀតណាមមានបរិយាកាសធុរកិច្ចកាន់តែទាក់ទាញក្នុងតំបន់ និងលើពិភពលោក”។

នៅវេទិកានេះដែរ ក្រសួងផែនការ និងវិនិយោគបានប្រកាសគោលដៅថា ក្នុង ដំណាក់កាលឆ្នាំ ២០២៣-២០២៥ សកម្មភាពនវានុវត្តន៍របស់វៀតណាមនឹងទាក់ទាញ ដើមទុនដែលបានសន្យាចំនួន ១,៥ ពាន់លានដុល្លារអាមេរិកពីមូលនិធិវិនិយោគក្នុង ស្រុកនិងបរទេស ហើយទំហំវិនិយោគសរុបនឹងសម្រេចបានប្រមាណ ៥ ពាន់លាន ដុល្លារអាមេរិក៕