គោលដៅយុទ្ធសាស្ត្រគឺសំដៅកាត់បន្ថយភាពងាយរងគ្រោះនិងហានិភ័យចំពោះផលប៉ះពាល់នៃការប្រែប្រួលអាកាសធាតុ តាមរយៈការបង្កើនភាពធន់និងសមត្ថភាពបន្សាំនៃប្រព័ន្ធធម្មជាតិ សេដ្ឋកិច្ចនិងសង្គម កាត់បន្ថយការខូចខាតបណ្តាលពីគ្រោះមហន្តរាយធម្មជាតិ និងអាកាសធាតុជ្រុលនិយម ដោយសារការប្រែប្រួលអាកាសធាតុ; កាត់បន្ថយការបំភាយឧស្ម័នផ្ទះកញ្ចក់ដល់ “សូន្យ” ត្រឹមឆ្នាំ ២០៥០; លើកកម្ពស់គុណភាពនៃកំណើននិងការប្រកួតប្រជែងនៃសេដ្ឋកិច្ច រួមចំណែកយ៉ាងសកម្មនិងការទទួលខុសត្រូវដល់សហគមន៍អន្តរជាតិដើម្បីការពារប្រព័ន្ធអាកាសធាតុរបស់ផែនដី។

យុទ្ធសាស្ត្រនេះក៏កំណត់ភារកិច្ចលើការសុក្រិតស្ថាប័ន លើកកម្ពស់សក្តានុពល និងធនធាន ដើម្បីឆ្លើយតបប្រកបដោយប្រសិទ្ធភាពចំពោះការប្រែប្រួលអាកាសធាតុ។ ក្នុងនោះ ផ្តោតលើការកសាងនិងការសុក្រិតយន្តការ គោលនយោបាយ និងច្បាប់ស្តីពីការប្រែប្រួលអាកាសធាតុមុនឆ្នាំ ២០៣០; ការប្រាស្រ័យទាក់ទង ការលើកកម្ពស់ការយល់ដឹងនិងការចូលរួមរបស់សហគមន៍ក្នុងការឆ្លើយតបទៅនឹងការប្រែប្រួលអាកាសធាតុ។ ជាមួយគ្នានោះ ស្រាវជ្រាវវិទ្យាសាស្ត្រនិងការអភិវឌ្ឍបច្ចេកវិទ្យា; កៀរគរធនធានហិរញ្ញវត្ថុ ដើម្បីឆ្លើយតបទៅនឹងការប្រែប្រួលអាកាសធាតុ; ជំរុញកិច្ចសហប្រតិបត្តិការអន្តរជាតិ ដើម្បីឆ្លើយតបទៅនឹងការប្រែប្រួលអាកាសធាតុ...៕