សមាគមបន្លែ និងផ្លែឈើវៀតណាមបានព្យាករណ៍ថា ការនាំចេញផ្លែឈើ និងបន្លែក្នុងឆ្នាំនេះ គ្រោងនឹងសម្រេចបាន ៥,៥ - ៥,៦ ពាន់លានដុល្លារអាមេរិក។ នេះគឺជាកម្រិតកំណត់ត្រាសម្រាប់វិស័យនេះតាំងពីមុនមក។
សហគ្រាសបរទេសស្វែងយល់តំបន់ដាំដើមទុរេន នៅស្រុក Bao Lam (ខេត្ត Lam Dong) ។ រូបថត៖ VNA
ក្នុងរយៈពេល ១១ ខែកន្លងទៅ ការនាំចេញផ្លែឈើ និងបន្លែសម្រេចបាន ៥,២ ពាន់លានដុល្លារអាមេរិក កើនឡើង ៧០% បើធៀបនឹងរយៈពេលដូចគ្នាកាលពីឆ្នាំ មុន។ ប្រទេសចិននៅតែជាទីផ្សារនាំចូលបន្លែនិងផ្លែឈើធំទីមួយរបស់វៀតណាម ដោយស្រូបយកសមាមាត្រ ៦៦% តាមពីក្រោយដោយសហរដ្ឋអាមេរិក កូរ៉េ និងជប៉ុន... ក្នុងទិសដៅផ្ទុយទៅវិញ បន្ទាប់ពីរយៈពេល ១១ ខែ វៀតណាមបាននាំចូលបន្លែ និងផ្លែឈើចំនួន ១,៧៧ ពាន់លានដុល្លារអាមេរិក ថយចុះ ៥,៨% បើធៀបនឹងរយៈ ពេលដូចគ្នាកាលពីឆ្នាំមុន។ ដូច្នេះហើយ តំលៃអតិរេកពាណិជ្ជកម្មនៃការនាំចេញបន្លែ និងផ្លែឈើក្នុងរយៈពេល ១១ ខែកន្លងមកសម្រេចបាន ៣,៤ ពាន់លានដុល្លារអាមេរិក។
លោក Dang Phuc Nguyen អគ្គលេខាធិការនៃសមាគមបន្លែ និងផ្លែឈើវៀត ណាមបានឲ្យដឹងថា ក្នុងរយៈពេល ២ ខែថ្មីៗនេះ ការនាំចេញផ្លែឈើ និងបន្លែមាន និន្នាការថយចុះ ដោយសាររដូវផ្លែទុរេននៅវៀតណាមបានកន្លងផុតទៅ។ មុននោះ ដោយឡែកមុខទំនិញទុរេន ក្នុងរយៈពេល ១០ ខែ តម្លៃនាំចេញសម្រេចបានជាង ២ ពាន់លានដុល្លារអាមេរិក កើនឡើងជាង ៥០០% បើធៀបនឹងរយៈពេលដូចគ្នាកាល ពីឆ្នាំមុន ហើយស្រូបយក ៤៣% នៃទំហំនាំចេញបន្លែ និងផ្លែឈើសរុបរបស់វៀតណាម៕
តាម VOV5 - វិទ្យុសម្លេងវៀតណាម
