នាព្រឹកថ្ងៃទី៩ ឧសភា នៅទីក្រុងហាណូយ សម្ព័ន្ធសមាគមនារីវៀតណាម សហការជាមួយទីភ្នាក់ងារអង្គការសហប្រជាជាតិទទួលបន្ទុកសមភាព យេនឌ័រ និងការផ្ដល់សិទ្ធិដល់នារី (UN Women) បានរៀបចំសិក្ខាសាលាក្រោម ប្រធានបទ “ការធ្វើចំណាកស្រុកទៅធ្វើការនៅឯបរទេស - ឱកាសនិងបញ្ហាប្រឈម ចំពោះនារីវៀតណាម”។

នៅឯសិក្ខាសាលា បណ្ដាប្រតិភូបានចែករំលែកដំណោះស្រាយជាច្រើន ក៏ដូច ជាបានលើកឡើងពីបញ្ហាយេនឌ័រដ៏រស៊ើប ដើម្បីជួយគាំទ្រដល់នារីដែលធ្វើចំណាក ស្រុកទៅធ្វើការនៅក្រៅប្រទេស ក៏ដូចជាពេលត្រឡប់មកប្រទេសវៀតណាមវិញផង ដែរ។ លោកស្រី Nguyen Thi Minh Huong អនុប្រធានមជ្ឈិមសម្ព័ន្ធសមាគមនារីវៀត ណាមបានឲ្យដឹងថា៖ “សមាគមក៏បានចូលរួមផ្ដល់មតិយោបល់ និងធ្វើការបដិវាទសង្គមលើគោល នយោបាយ ច្បាប់ទាក់ទងនឹងការបញ្ជូនពលករទៅធ្វើការនៅក្រៅប្រទេស។ សម្រប សម្រួលការពារសិទ្ធិនិងផលប្រយោជន៍ស្របច្បាប់របស់នារីដែលទៅធ្វើការនៅបរទេស។ ដើម្បីចលនា ឃោសនា និងជួយគាំទ្រនារីដើម្បីធ្វើចំណាកស្រុកប្រកប ដោយសុវត្ថិភាព សមាគមក៏បានសហការជាមួយអង្គការក្នុងស្រុក និងបរទេសជាច្រើន អនុវត្តន៍សកម្មភាពជាច្រើនដើម្បីបង្ការទប់ស្កាត់អំពើហិង្សាក្នុងគ្រួសារ បង្ការទប់ ស្កាត់ការជួញដូរមនុស្ស ដោយផ្អែកលើសហគមន៍ ផ្តល់សេវាដំបូងដល់នារីចំណាក ស្រុកដែលធ្វើមាតុភូមិនិវត្តន៍ ហើយលើកកម្ពស់ការយល់ដឹងអំពីការធ្វើចំណាកស្រុក ប្រកបដោយសុវត្ថិភាព និង ការឆ្លើយតបប្រកបដោយសុវត្ថិភាពសម្រាប់កម្មការិនីនៅ ពេលធ្វើចំណាកស្រុកផងដែរ”។

ក្នុងប៉ុន្មានឆ្នាំមកនេះ ពលករវៀតណាមមានវត្តមាននៅប្រទេស និងដែនដីជាង ៤០ ជុំវិញពិភពលោក រួមចំណែកបង្កើតការងារ បង្កើនប្រាក់ចំណូល លុបបំបាត់ភាព អត់ឃ្លាន និងកាត់បន្ថយភាពក្រីក្រ ហើយនៅពេលត្រឡប់មកវិញ ក៏រួមចំណែកលើក កម្ពស់គុណភាពសម្រាប់កម្លាំងពលករ៕