![](https://imagevietnam.vnanet.vn/Upload/2020/9/7/070920201503235325.jpg)
ពិធីជូនដំណើរក្រុមគ្រូពេទ្យទីក្រុងហូជីមិញ (រូបថត៖ TTXVN)
នាថ្ងៃទី៦ ខែកញ្ញា ឆ្នាំ២០២០ គណៈកម្មាធិការប្រជាជនទីក្រុង Da Nang បានរៀបចំពិធីជូនដំណើរក្រុមគ្រូពេទ្យទីក្រុងហូជីមិញ ក្រោយពីបានបំពេញការងារប្រយុទ្ធប្រឆាំងជំងឺរាតត្បាតកូវីដ ១៩ នៅទីក្រុង Da Nang។ ក្រុមគ្រូពេទ្យទីក្រុងហូជីមិញមានសមាជិកចំនួន ៨ នាក់។
អញ្ជើញថ្លែងនៅក្នុងពិធីនេះ លោក Le Trung Chinh អនុប្រធានគណៈកម្មាធិការប្រជាជនទីក្រុង Da Nang បានថ្លែងអំណរគុណដល់ក្រុមគ្រូពេទ្យនានា ដែលក្នុងនោះមានក្រុមគ្រូពេទ្យទីក្រុងហូជីមិញ ដែលបានជួយទីក្រុង Da Nang ក្នុងការប្រយុទ្ធប្រឆាំងជំងឺរាតត្បាតកូវីដ ១៩ ។
ក្រោយរយៈពេល ៤ សប្តាហ៍ ធ្វើការប្រយុទ្ធប្រឆាំងនឹងជំងឺរាតត្បាតមក នាបច្ចុប្បន្ននេះ ជំងឺរាតត្បាតកូវីដ ១៩ បានស្ថិតក្រោមការគ្រប់គ្រងរបស់ទីក្រុង Da Nang ហើយ។ ជាក់ស្ដែង គិតត្រឹមម៉ោង ១០ ថ្ងៃទី ៦ ខែកញ្ញា ទីក្រុង Da Nang មិនរកឃើញករណីឆ្លងជំងឺកូវីដ ១៩ ថ្មីឡើយ៕
តាម VOV5 - វិទ្យុសំឡេងវៀតណាម