ពិព័រណ៌បង្ហាញអំពីឆាយាលក្ខណ៍លោកប្រធានហូជីមិញ ជាបុរសសាមញ្ញ ប៉ុន្តែអស្ចារ្យ អគ្គមគ្គុទេសជាទីស្រឡាញ់របស់ប្រជាជាតិវៀតណាម ជាអ្នកវប្បធម៌ដ៏ធំមួយរូបរបស់ពិភពលោក ជាយុទ្ធជនដែលជានិមិត្តរូបនៃការតស៊ូទាមទារឯករាជ្យ សេរីភាពសម្រាប់ប្រទេសជាតិ។ ឆាយាលក្ខណ៍ដែលដាក់តាំងបង្ហាញបានបង្ហាញពីដំណាក់កាលជាច្រើនក្នុងជីវិតរបស់លោកក្នុងសកម្មភាពបដិវត្តន៍។ គួរកត់សម្គាល់ថា ការតាំងពិពណ៌បង្ហាញអំពីសម័យកាលប្រវត្តិសាស្ត្រ នៅពេលដែលដំណើរស្វែងរកផ្លូវសង្គ្រោះប្រទេសនៅដើមសតវត្សទី ២០ លោកប្រធានហូជីមិញបានបង្អង់ដំណើរនៅប្រទេសអាហ្សង់ទីន និងអ៊ុយរូហ្គាយក្នុងឆ្នាំ ១៩១២។
បន្ទាប់មក ប្រធានរដ្ឋសភា និងគណៈប្រតិភូបានចូលរួមកម្មវិធីសិល្បៈពិសេស ដើម្បីអបអរសាទរខួបលើកទី ៥០ នៃការបង្កើតទំនាក់ទំនងការទូតរវាងវៀតណាម និងអាហ្សង់ទីន។ កម្មវិធីនេះបាននាំទស្សនិកជននៃប្រទេសទាំងពីរមានការលាយបញ្ចូលគ្នារវាងប្រពៃណី និងសម័យទំនើប។ ជាកិច្ចចាប់ផ្តើម ពីបទចម្រៀង "សួស្តីវៀតណាម" ដល់សំឡេងខ្លុយ ដែលបង្ហាញពីសេចក្តីស្រឡាញ់ចំពោះប្រទេសជាតិ ឬទំនុកច្រៀងសរសើរគុណូបការៈរបស់ប្រធានហូជីមិញ។ កម្មវិធីនេះគឺជាអំណោយខាងវិញ្ញាណដ៏មានអត្ថន័យ ដើម្បីអបអរសាទរទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការលើគ្រប់វិស័យរវាងវៀតណាម និងអាហ្សង់ទីន៕
