ក្នុងក្របខ័ណ្ឌនៃដំណើរទស្សនកិច្ចនៅឡាវ របស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ភាគីទាំងពីរបានចុះហត្ថលេខាលើកិច្ចព្រមព្រៀងសហប្រតិបត្តិការដ៏សំខាន់ ដើម្បីរឹតបន្តឹង និងពង្រីកថែមទៀតទំនាក់ទំនងមិត្តភាព សាមគ្គីភាពប្រពៃណី និងទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ និងប្រកបដោយចីរភាពរវាងប្រទេសទាំងពីរ។ ក្នុងកិច្ចពិភាក្សា ដែលបានប្រព្រឹត្តិទៅនារសៀលថ្ងៃទី ១៣ កុម្ភៈកន្លងទៅនៅទីក្រុងវៀងចន្ទន៍ នាយករដ្ឋមន្រ្តីកម្ពុជា សម្តេចតេជោ ហ៊ុន សែន និងនាយករដ្ឋមន្ត្រីឡាវ លោក Sonexay Siphandone បានឯកភាពគ្នាបន្តសម្របសម្រួលគ្នាយ៉ាងជិតស្និទ្ធ ដើម្បីអនុវត្តន៍ប្រកបដោយប្រសិទ្ធភាពរាល់កិច្ចព្រមព្រៀងជាន់ខ្ពស់; បន្តបង្កើនកិច្ចសហប្រតិបត្តិការយ៉ាងជិតស្និទ្ធិលើគ្រប់វិស័យ៖ នយោបាយ ការទូត ការពារជាតិ និងសន្តិសុខ; ជំរុញកិច្ចសហប្រតិបត្តិការសេដ្ឋកិច្ច-ពាណិជ្ជកម្ម និងវិនិយោគ; បន្តសម្របសម្រួលគ្នានៅវេទិកាតំបន់ និងអន្តរជាតិ។
ក្រោយកិច្ចពិភាក្សា នាយករដ្ឋមន្ត្រីទាំងពីររូបបានចុះហត្ថលេខាលើកិច្ចព្រមព្រៀងព្រំដែនរវាងឡាវ និងកម្ពុជា (សម្រេចបាន ៨៦% នៃការងារខ័ណ្ឌសីមា បោះបង្គោលព្រំដែន) និងផែនការសកម្មភាពរួមឡាវ-កម្ពុជា ដំណាក់កាល ២០២៣-២០២៧)៕
