កាលពីថ្ងៃទី ២៦ ខែកញ្ញា ក្រុមហ៊ុនផលិតរថយន្តអគ្គិសនីឆ្លាតវៃដើមដំបូងរបស់វៀតណាម VinFast និងសម្ព័ន្ធក្រុមហ៊ុនអេឡិចត្រូនិកជប៉ុន Renesas បានប្រកាសពីការពង្រីកកិច្ចព្រមព្រៀងសហប្រតិបត្តិការរវាងក្រុមហ៊ុនទាំងពីរ។ តាមនោះ Renesas នឹងផ្តល់នូវផលិតផលជាច្រើនប្រភេទសម្រាប់ VinFast រួមមានប្រព័ន្ធអេឡិចត្រូនិច (System on Chips - SoCs), semiconductors; ផ្តល់ជម្រើសជំនួយបច្ចេកទេសសម្រាប់ VinFast អភិវឌ្ឍន៍កម្មវិធីរថយន្ត និងសេវាកម្មចល័តនាពេលអនាគត។ តាមរយៈការទទួលបច្ចេកវិទ្យាទំនើប និងជំនាញឈានមុខរបស់ Renesas នោះ VinFast នឹងពន្លឿនការអភិវឌ្ឍម៉ូដែលរថយន្តអគ្គិសនីថ្មី បង្កើនការពង្រីកទីផ្សារ និងសម្រេចបាននូវគោលដៅបង្កើនយ៉ាងខ្លាំងអំពីបរិមាណផលិតកម្ម និងបរិមាណលក់ប្រចាំឆ្នាំ។
មុននោះ VinFast និង Renesas បានសហការគ្នាក្នុងការអភិវឌ្ឍន៍ប្រព័ន្ធព័ត៌មានកម្សាន្ត infotainment នៅក្នុងរថយន្ត។ ផលិតផល មួយចំនួនទៀត របស់ Renesas ក៏ត្រូវបានបំពាក់នៅលើម៉ូដែល VF 8 និង VF 9 ផងដែរ៕
