លេខាគណៈកម្មាធិការបក្សទីក្រុងហាណូយ លោក Dinh Tien Dung បានទទួលជួបប្រធានមហាសន្និបាតនៃអង្គការអប់រំ វិទ្យាសាស្ត្រ និងវប្បធម៌នៃអង្គការសហប្រជាជាតិ (UNESCO) លោកស្រី Simona-Mirela Miculescu (រូបភាព៖ Quynh Duong)

ក្នុងពិធីទទួលនោះ លេខាគណៈកម្មាធិការបក្សទីក្រុង លោក Dinh Tien Dung បានសង្កត់ធ្ងន់លើលទ្ធផលនៃកិច្ចសហប្រតិបត្តិការរវាងទីក្រុងហាណូយនិងអង្គការ UNESCO នាពេលថ្មីៗនេះ ដែលបានរួមចំណែកយ៉ាងសកម្មក្នុងការឃោសនា  និងផ្សព្វផ្សាយបេតិកភណ្ឌ និងតម្លៃវប្បធម៌ពិសេសរបស់រដ្ឋធានីហាណូយ របស់ប្រទេសជាតិ និងប្រជាជនវៀតណាម។ លេខាគណៈកម្មាធិការបក្សទីក្រុងហាណូយ លោក Dinh Tien Dung បានឲ្យដឹងថា ក្នុងចំណោមតំបន់បេតិកភណ្ឌដែលត្រូវបាន UNESCO ទទួលស្គាល់ តំបន់បរមរាជវាំងថាំងឡុងមានអត្ថន័យពិសេស។ បច្ចុប្បន្ននេះ ទីក្រុងកំពុងអនុវត្តការងារចងក្រងសំណុំឯកសារ “របាយការណ៍ស្តីពីស្ថានភាពជាក់ស្តែងនៃការអភិរក្សតំបន់បរមរាជវាំងថាំងឡុង - ហាណូយ” ហើយបានផ្ញើទៅអង្គការយូណេស្កូក្នុងខែមករា ឆ្នាំ២០២៤។ រដ្ឋធានីហាណូយសង្ឃឹមថា នឹងបន្តទទួលបានការគាំទ្រ និងការរួមដំណើររបស់អង្គការយូណេស្កូក្នុងដំណើរការអនុវត្តទិសដៅអភិវឌ្ឍន៍ទាំងនេះ ជាពិសេសគាំទ្រឯកសារអភិរក្សបេតិកភណ្ឌពិភពលោកនៃតំបន់បរមរាជវាំងថាំងឡុង (រំពឹងថានឹងត្រូវបានពិចារណាក្នុងសម័យប្រជុំលើកទី ៤៦ របស់ពិភពលោក។ គណៈកម្មាធិ ការបេតិកភណ្ឌ នៅខែកក្កដា ឆ្នាំ២០២៤)។

រីឯខ្លួនវិញ ប្រធានមហាសន្និបាត UNESCO លោកស្រី  Simona-Mirela Miculescu បានឲ្យដឹងថា ថ្នាក់ដឹកនាំ UNESCO ក៏ដូចជាអ្នកជំនាញខាងបេតិកភណ្ឌយល់យ៉ាងច្បាស់អំពីសារៈសំខាន់នៃ បរមរាជវាំងថាំងឡុង ចំពោះទីក្រុងហាណូយ ក៏ដូចជាប្រទេសវៀតណាម; សម្តែងការចាប់អារម្មណ៍ចំពោះកិច្ចខិតខំប្រឹងប្រែងដែលទីក្រុងហាណូយ និងវៀតណាមបានធ្វើក្នុងប៉ុន្មានឆ្នាំថ្មីៗនេះនៅទីតាំងបេតិកភណ្ឌនេះ។ ប្រធានមហាសន្និបាត UNESCO លោកស្រី Simona-Mirela Miculescu បានវាយតម្លៃខ្ពស់ចំពោះគោលដៅរបស់ UNESCO ក្នុងការធ្វើឱ្យវប្បធម៌ក្លាយជាធនធានរួមសម្រាប់ការអភិវឌ្ឍ ហើយវៀតណាមក៏កំពុងដើរក្នុងទិសដៅនេះផងដែរ៕