ក្រុមប្រឹក្សាការទូតនៃសហភាពអឺរ៉ុប(EU) នៅថ្ងៃទី ២៤ ខែមករាបានអនុម័តលើសេចក្តីសន្និដ្ឋាន យល់ព្រមលើអាទិភាពថ្មីក្នុងក្របខ័ណ្ឌនៃភាពជាដៃគូយុទ្ធសាស្ត្ររបស់អង្គការសហប្រជាជាតិ(UN) -សហភាពអឺរ៉ុប (EU) ស្តីពីប្រតិបត្តិការសន្តិភាពនិងការគ្រប់គ្រងវិបត្តិ សម្រាប់ដំណាក់កាល ២០២២-២០២៤។

សេចក្តីប្រកាសដែលបានចេញផ្សាយបន្ទាប់ពីកិច្ចប្រជុំក្រៅផ្លូវការរបស់រដ្ឋមន្ត្រីការបរទេសសហភាពអឺរ៉ុបបានអះអាងជាថ្មីម្តងទៀត នូវការប្តេជ្ញាចិត្តរបស់ EU និងប្រទេសជាសមាជិក ក្នុងការរក្សាសណ្តាប់ធ្នាប់ពហុភាគីដោយផ្អែកលើច្បាប់ ជាមួយអង្គការសហប្រជាជាតិជាមជ្ឈភាព ហើយបានវាយតម្លៃខ្ពស់ចំពោះសមិទ្ធិផល និងអត្ថប្រយោជន៍នៃកិច្ចសហប្រតិបត្តិការរយៈពេលវែងរវាង EU និង UN ក្នុងការរក្សាសន្តិភាព គ្រប់គ្រងវិបត្តិស៊ីវិលប៉ូលីសនិងយោធា។ ក្រុមប្រឹក្សាបានស្វាគមន៍ការពង្រីកនៃអាទិភាព ដែលមានគោលបំណងឆ្លើយតបកាន់តែមានប្រសិទ្ធភាពចំពោះបញ្ហាប្រឈមជាសាកលនិងការគំរាមកំហែងដែលកំពុងវិវត្ត៍ដូចជាការប្រែប្រួលអាកាសធាតុ ការរីករាលដាលនៃជំងឺរាតត្បាតកូវីដ-១៩ បច្ចេកវិទ្យាលោតផ្លោះ និងព័ត៌មានមិនពិត។ ក្រុមប្រឹក្សាបានសង្កត់ធ្ងន់ថា កិច្ចសហប្រតិបត្តិការជាមួយអង្គការសហប្រជាជាតិ នឹងជួយសហភាពអឺរ៉ុបពង្រឹងតួនាទីរបស់ខ្លួន ចំពោះសន្តិសុខពិភពលោក ដើម្បីគាំទ្រលទ្ធិពហុភាគីប្រកបដោយប្រសិទ្ធភាព៕

តាម VOV5 - វិទ្យុសម្លេងវៀតណាម