ឧបនាយករដ្ឋមន្រ្តី រដ្ឋមន្រ្តីការបរទេសវៀតណាមលោក Pham Binh Minh និងអនុប្រធានគណៈកម្មាធិការអឺរ៉ុបនិងជាអគ្គស្នងការសហភាពអឺរ៉ុបទទួលបន្ទុកគោល នយោបាយកិច្ចការបរទេសនិងសន្តិសុខលោកស្រី Federica Mogherini នៅក្នុងសន្និសីទកាសែត (រូបថត៖ VOV)
លោកស្រី Mogherini បានថ្លែងថា៖ “EU គាំទ្រចំពោះសេរីភាពខាងធ្វើ ដំណើរ នាវាចរណ៍និងអាកាសចរណ៍នៅសមុទ្រខាងកើត ហើយយើងខ្ញុំក៏គាំទ្រ ចំពោះដំណើរការឆ្ពោះទៅរកការបញ្ចប់កិច្ចចរចាស្ដីពីក្រមប្រតិបត្តិនៅសមុទ្រខាងកើត (COC) ដែលមានលក្ខណៈចាប់បង្ខំខាង គតិយុត្ត។
នាថ្ងៃទី៥ ខែសីហា ឆ្នាំ២០១៩ នៅក្នុងសន្និសីទកាសែតបន្ទាប់ពីជំនួបពិភាក្សាជាមួយ ឧបនាយករដ្ឋមន្រ្តី រដ្ឋមន្រ្តីការបរទេសវៀតណាម លោក Pham Binh Minh អនុ ប្រធានគណៈកម្មាធិការអឺរ៉ុបនិងជាអគ្គស្នងការសហភាពអឺរ៉ុបទទួលបន្ទុកគោល នយោបាយកិច្ចការបរទេសនិងសន្តិសុខលោកស្រី Federica Mogherini បាន ជម្រាបថា EU ចែករំលែកការព្រួយបារម្ភរបស់វៀតណាមអំពីការកើនឡើងនៃ ភាពតានតឹងនាពេលថ្មីៗនេះនៅសមុទ្រខាងកើត។ EU ចាត់ទុកថា រាល់ភាពតាន តឹងយ៉ាងដូច្នេះមិនមែនជាកត្តាងាយស្រួលចំពោះបរិយាកាសសន្តិភាព និងស្ថិរ ភាពនៅក្នុងតំបន់នេះឡើយ។
លោកស្រី Mogherini បានថ្លែងថា៖ “EU គាំទ្រចំពោះសេរីភាពខាងធ្វើ ដំណើរ នាវាចរណ៍និងអាកាសចរណ៍នៅសមុទ្រខាងកើត ហើយយើងខ្ញុំក៏គាំទ្រ ចំពោះដំណើរការឆ្ពោះទៅរកការបញ្ចប់កិច្ចចរចាស្ដីពីក្រមប្រតិបត្តិនៅសមុទ្រខាងកើត (COC) ដែលមានលក្ខណៈចាប់បង្ខំខាងគតិយុត្ត។ យើងខ្ញុំក៏មានគោល បំណងថា ភាគីនានានឹងជំរុញកិច្ចខិតខំប្រឹងប្រែងសំដៅបន្ធូរបន្ថយភាពតានតឹង ព្រមទាំងគាំទ្រចំពោះទស្សនៈស្ដីពីការគោរពច្បាប់អន្តរជាតិ ជាពិសេសគឺគោរព បទបញ្ញត្តិទាំងអស់នៅក្នុង UNCLOS 1982 ផងដែរ”។
ចំណែកឯខ្លួនវិញ ឧបនាយករដ្ឋមន្រ្តី រដ្ឋមន្រ្តីការបរទេសវៀតណាមលោក Pham Binh Minh បានស្វាគមន៍ទស្សនៈរបស់ EU ដែលគាំទ្រចំពោះសេរីភាព សន្តិសុខនិងសុវត្ថិភាពនាវាចរណ៍នៅសមុទ្រខាងកើត។ លោក Pham Binh Minh បានស្នើអោយ EU បន្តចូលរួមក្នុងការរក្សាសន្តិភាព ស្ថិរភាព ការគោរពច្បាប់ គោរព UNCLOS 1982 ក៏ដូចជាសិទ្ធិនិងផលប្រយោជន៍ស្របច្បាប់របស់ប្រទេស នានានៅសមុទ្រខាងកើតផងដែរ៕
តាម VOV5 - វិទ្យុសំឡេងវៀតណាម
