អញ្ជើញថ្លែងមតិនៅសន្និសីទនេះ ឧបនាយករដ្ឋមន្ត្រី  រដ្ឋមន្ត្រី លោក ប៊ុយ ថាញ់ សឺន បានសង្កត់ធ្ងន់ថា ក្នុងបរិបទភូមិសាស្ត្រនយោបាយកាន់តែស្មុគស្មាញ ARF ចាំបាច់ត្រូវមានគំនិតច្នៃប្រឌិត ដើម្បីបន្តលើកកំពស់តួនាទីរបស់ខ្លួន មានការសម្របខ្លួនយ៉ាងសកម្ម និងមានភាពបត់បែនជាមួយរាល់ការប្រែប្រួល។  ទន្ទឹមជាមួយគ្នានោះ សន្តិភាពនិងសន្តិសុខចាំបាច់ត្រូវរក្សាតាមរយៈការខិតខំប្រឹងប្រែង និងការប្តេជ្ញាចិត្តរួមគ្នា តាមរយៈការសន្ទនា និងកិច្ចសហប្រតិបត្តិការ ការកសាងទំនុកចិត្តនិងការអនុលោមតាមច្បាប់អន្តរជាតិ។

ពិភាក្សាអំពីបញ្ហាអន្តរជាតិនិងតំបន់ ឧបនាយករដ្ឋមន្ត្រី  រដ្ឋមន្ត្រី លោក ប៊ុយថាញ់ សឺន បានអះអាងសារជាថ្មីអំពីគោលជំហររបស់អាស៊ានចំពោះបញ្ហាសមុទ្រខាងកើត មីយ៉ាន់ម៉ា មជ្ឈិមបូព៌ានិងឧបទ្វីបកូរ៉េ។ ក្នុងនោះ អំពីសមុទ្រខាងកើត វៀតណាមរក្សាជំហរយ៉ាងម៉ឺងម៉ាត់ក្នុងការដោះស្រាយជម្លោះដោយសន្តិវិធី ឈរលើមូលដ្ឋានច្បាប់អន្តរជាតិ; និងអំពាវនាវឱ្យដៃគូនានាគាំទ្រគោលជំហរនិងកិច្ចខិតខំប្រឹងប្រែង ជាគោលការណ៍របស់អាស៊ានក្នុងការរក្សាសន្តិភាព និងស្ថិរភាពនៅសមុទ្រខាងកើត។ លោកឧបនាយករដ្ឋមន្ត្រី  រដ្ឋមន្ត្រី ប៊ុយ ថាញ់ សឺនបានសង្កត់ធ្ងន់លើការប្តេជ្ញាចិត្តខិតខំសម្រេចឲ្យបានឆាប់ៗ នូវក្រមប្រតិបត្តិសម្រាប់ភាគីនានានៅសមុទ្រខាងកើត (COC) ប្រកបដោយប្រសិទ្ធភាពនិងជាក់ស្តែង ស្របតាមច្បាប់អន្តរជាតិ រួមទាំង UNCLOS ឆ្នាំ ១៩៨២ ព្រមទាំងអនុវត្តយ៉ាងពេញលេញ និងមានប្រសិទ្ធភាពនូវសេចក្តីថ្លែងការណ៍ស្តីពីការប្រតិបត្តិរបស់ភាគីនៅសមុទ្រខាងកើត (DOC) បង្កើតបរិយាកាសអំណោយផលសម្រាប់ការចរចា COC។

វេទិកាតំបន់អាស៊ានលើកទី៣២ គឺជាសកម្មភាពចុងក្រោយ បញ្ចប់កិច្ចប្រជុំរដ្ឋមន្ត្រីការបរទេសអាស៊ានលើកទី ៥៨ និងកិច្ចប្រជុំពាក់ព័ន្ធនានា។

មុននេះផងដែរ នៅថ្ងៃ ១១ ខែកក្កដា ក្នុងក្របខ័ណ្ឌនៃ AMM-៥៨ បានប្រព្រឹត្តទៅកិច្ចប្រជុំរដ្ឋមន្ត្រីការបរទេសអាស៊ាន + ១ ជាមួយចក្រភពអង់គ្លេសនិងសហភាពអឺរ៉ុប (EU) និងកិច្ចប្រជុំរដ្ឋមន្ត្រីការបរទេសអាស៊ីបូព៌ាលើកទី ១៥ (EAS) ផងដែរ៕