នាព្រឹកថ្ងៃទី៧ ខែកក្កដា ឆ្នាំ២០១៧ នៅទីក្រុងហាណូយ ក្រសួងផែនការនិងវិនិយោគវៀតណាមបានរៀបចំសន្និសីទអនុវត្តផែនការសកម្មភាពជាតិ សំដៅអនុវត្តរបៀបវារៈ២០៣០ ដើម្បីការអភិវឌ្ឍន៍ប្រកបដោយនិរន្តរភាព។
ឧបនាយករដ្ឋមន្ត្រី លោក Vu Duc Dam (រូបថតៈ VOV )
ឧបនាយករដ្ឋមន្ត្រីរដ្ឋាភិបាលវៀតណាម លោក Vu Duc Dam អញ្ជើញជាអធិបតីសន្និសីទនេះ។ ផែនការសកម្មភាពពោលខាងលើនេះ ទើបនឹងបាននាយករដ្ឋមន្ត្រីរដ្ឋាភិបាលអនុម័តផ្សព្វផ្សាយនាខែឧសភា ឆ្នាំ២០១៧ ដោយមានគោលដៅរួមចំនួន១៧និងគោលដៅជាក់ស្តែងចំនួន ១១៥។ ភារកិច្ចជាក់ស្តែងត្រូវបានចែកជា ២ ដំណាក់កាលគឺដំណាក់កាល២០១៧-២០២០ និងដំណាក់កាល ២០២១- ២០៣០។
នៅក្នុងសន្និសីទនេះ តំណាងចូលរួមបានលើកត្រដែតនូវឧបសគ្គនិងការប្រឈមមុខជាច្រើនក្នុងការអនុវត្តកម្មវិធីសកម្មភាពដើម្បីការអភិវឌ្ឍន៍និរន្តរភាពសម្រាប់ក្រសួងស្ថាប័ននានា។ ទន្ទឹមនឹងការប្រមូលផ្តុំប្រភពកម្លាំងក្នុងប្រទេស ដើម្បីអនុវត្តរបៀបវារៈ២០៣០ វៀតណាមត្រូវការជួយឧបត្ថម្ភរបស់សហគមន៍អន្តរជាតិ អំពីការលើកកំពស់សមត្ថភាព យន្តការក៏ដូចជាប្រភពហិរញ្ញវត្ថុ ជាពិសេសគឺរាល់គោលដៅទាក់ទិនដល់វិសមភាពនៃប្រាក់ចំណូលនិងលក្ខណៈរស់នៅ បង្កើតការងារ ធ្វើអភិវឌ្ឍន៍សេដ្ឋកិច្ចនិងបរិស្ថានប្រកបដោយនិរន្តរភាព៕
តាម VOV5-វិទ្យុសម្លេងវៀតណាម
