នាព្រឹកថ្ងៃទី១៤ ខែកញ្ញា ឆ្នាំ២០១៨ នៅទីស្នាក់ការរដ្ឋាភិបាល ក្នុងជំនួបសវនាការ ជាមួយលោក Sven Mikser រដ្ឋមន្រ្តីការបរទេសអេស្តូនី នាយករដ្ឋមន្រ្តីវៀតណាម លោក Nguyen Xuan Phuc បានឲ្យដឹងថា បទពិសោធន៍របស់អេស្តូនីអំពីរដ្ឋា ភិបាលអេឡិចត្រូនិកគឺជាមេរៀនដ៏ល្អចំពោះវៀតណាម ហើយទទួលស្វាគមន៍អ្នកជំនាញអេស្តូនីមក​ជួយឧបត្ថម្ភវៀតណាមក្នុងដំណើរការកសាងរដ្ឋាភិបាលអេឡិចត្រូនិក។

នាយករដ្ឋមន្រ្តីវៀតណាមលោក Nguyen Xuan Phuc ទទួលជួបរដ្ឋមន្រ្តីការបរទេសអេស្តូនី (រូបថត៖ TTXVN)

លោកនាយករដ្ឋមន្រ្តីជឿជាក់ថា ក្រោយពីដំណើរទស្សនកិច្ចរបស់ រដ្ឋមន្រ្តីការបរទេសអេស្តូនីទំនាក់ទំនងរវាងប្រទេសទាំងពីរនឹងអភិវឌ្ឍន៍ឡើងកម្ពស់ថ្មី ពិសេសគឺក្នុងវិស័យសេដ្ឋកិច្ច ពាណិជ្ជកម្មនិងវិនិយោគ។

រីឯខ្លួនវិញ រដ្ឋមន្រ្តីការបរទេសអេស្តូនីលោក Sven Mikser មានក្ដីសង្ឃឹមថា ដំណើរទស្សនកិច្ចលើកនេះនឹងបង្កើតកម្លាំងចលករថ្មីសម្រាប់ទំនាក់ទំនងរវាងប្រទេសទាំងពីរ ពិសេសគឺក្នុងវិស័យរដ្ឋាភិបាល អេឡិចត្រូនិកនិងគ្រប់គ្រងអេឡិចត្រូនិក។ រដ្ឋមន្រ្តីលោក Mikser បានអះអាងថា អេស្តូនីនឹងខិតខំប្រឹងប្រែង ដើម្បីជំរុញដំណើរការចុះហត្ថលេខាលើកិច្ចព្រមព្រៀងពាណិជ្ជកម្មសេរីរវាង EU ជាមួយវៀតណាមហើយនឹងជាប្រទេសមួយក្នុងចំណោមប្រទេសដើមដំបូងចុះហត្ថលេខាលើកិច្ចព្រមព្រៀងនេះផងដែរ៕

តាម VOV5 - វិទ្យុសម្លេងវៀតណាម