ឧបនាយករដ្ឋមន្ត្រីរដ្ឋាភិបាល លោក Vuong Dinh Hue
ជាមួយអគ្គនាយិកាធនាគារពិភពលោក (WB) លោកស្រី Kristalina Georgieva
បន្តដំណើរទស្សនកិច្ចជាផ្លូវការនៅអាមេរិក នាថ្ងៃទី២៦ ខែមិថុនា ឆ្នាំ២០១៨ នៅរដ្ឋធានីវ៉ាស៊ីនតោន ឧបនាយករដ្ឋមន្ត្រីរដ្ឋាភិ បាលវៀតណាម លោក Vuong Dinh Hue អញ្ជើញជួបធ្វើការជាមួយអគ្គនាយិកាធនាគារពិភពលោក (WB) លោកស្រី Kristalina Georgieva និងនាយករង មូលនិធិរូបិយវត្ថុអន្តរជាតិ (IMF) Mitsuhiro Furusawa។
ក្នុងជំនួបទាំងអស់នេះ ឧបនាយករដ្ឋមន្ត្រី លោក Vuong Dinh Hue បានអះអាងថា WB និថ IMF ជាដៃគូសំខាន់ជួរមុខរបស់វៀតណាម។ លោកឧបនាយករដ្ឋមន្ត្រីវៀតណាម បានវាយតម្លៃខ្ពស់ចំពោះការជួយឧបត្ថម្ភរបស់ WB និង IMF សម្រាប់កិច្ចការអភិវឌ្ឍន៍សេដ្ឋកិច្ចសង្គមរបស់វៀតណាម នាពេលកន្លងទៅ ជាពិសេសគឺក្នុងការកាត់បន្ថយភាពក្រីក្រនិងផ្សំជាមួយបម្រែបម្រួលអាសធាតុ។
នៅក្នុងជំនួបជាមួយអគ្គនាយិកាធនាគារពិភពលោក (WB) លោកស្រី Kristalina Georgieva ឧបនាយករដ្ឋមន្ត្រី លោក Vuong Dinh Hue បានស្នើឲ្យ WB បន្តគាំទ្រវៀតណាមអភិវឌ្ឍន៍ប្រកបដោយនិរន្តរភាព ក្នុងនោះមានការបង្កើនតួនាទីរបស់ WB ក្នុងកិច្ចសហប្រតិបត្តិការអភិវឌ្ឍន៍នៅអនុតំបន់ទន្លេមេគង្គ។
រីឯខ្លួនវិញ អគ្គនាយិកាធនាគារពិភពលោក (WB) បានឲ្យដឹងថា ស្ថាប័ននានារបស់ WB ត្រៀមជាស្រេចដើម្បីធ្វើការផ្ទាល់ជាមួយដៃគូវៀតណាម។
ក្នុងជំនួបជាមួយនាយករង IMF លោក Mitsugiro Furusawa ឧបនាយករដ្ឋមន្ត្រី លោក Vuong Dinh Hue បានសង្កត់ធ្ងន់ថា វៀតណាមមានបំណងបន្តទទួលបានការជួយឧបត្ថម្ភពីសំណាក់ IMF។ ជាពិសេសចង់ឲ្យ IMF ផ្តោតសំខាន់លើសកម្មភាពជួយឧបត្ថម្ភ បណ្តុះបណ្តាលនិងពិគ្រោះយោបល់សម្រាប់វៀតណាម នាពេលខាងមុខ៕
តាម VOV5 - វិទ្យុសំឡេងវៀតណាម
