អនុវត្តកិច្ចព្រមព្រៀងរវាងប្រទេសទាំងពីរ នាថ្ងៃទី២៧កញ្ញា នៅរដ្ឋធានី Canberra ប្រទេសអូស្ត្រាលី អនុរដ្ឋមន្ត្រីការបរទេសវៀតណាម លោក Dang Dinh Quy និងសមភាគីអូស្ត្រាលី លោក Gary Quinlan រួមទាំងអនុរដ្ឋមន្ត្រីការពារជាតិ អូស្ត្រាលីអ្នកស្រី Rebecca Skinner បានអញ្ជើជាសហអធិបតីកិច្ចប្រជុំលើកទី៥នៃជំនួប សន្ទនាយុទ្ធសាស្ត្រការទូតនិងការពារជាតិរវាងប្រទេសទាំងពីរ។
នៅក្នុងជំនួបនេះ ភាគីទាំងពីរបានសម្តែងនូវការពេញចិត្ត ដោយឃើញថា ទំនាក់ទំនងដៃគូលើគ្រប់ វិស័យ វៀត ណាម - អូស្ត្រាលីបន្តមានការអភិវឌ្ឍន៍យ៉ាងខ្លាំងក្លាប្រកបដោយប្រសិទ្ធិ ភាព។ ភាគីទាំងពីរបានឯកភាព ជម្រុញរាល់ការខិតខំប្រឹងប្រែង សំដៅនាំទំនាក់ទំនងសំខាន់នេះកាន់តែស៊ីជម្រៅលើគ្រប់វិស័យ។ ភាគីទាំងពីរក៏បានឯកភាព រឹតបន្តឹងកិច្ចសហប្រតិបត្តិការដើម្បីត្រៀមរៀបចំល្អនូវដំណើរទស្សនកិច្ចរបស់ថ្នាក់ដឹកនាំនៃប្រទេសទាំងពីរនាពេលខាងមុខ។ ភាគីទាំងពីរបានសង្កត់ធ្ងន់នូវសារៈសំខាន់នៃការរក្សាសន្តិភាព ស្ថិរភាព សន្តិសុខ សុវត្ថភាពនិងសេរីភាពនាវាចរណ៍ អាកាសចរណ៍ក្នុងតំបន់ ដោះស្រាយជម្លោះដោយសន្តិវិធីឈរលើមូលដ្ឋានច្បាប់អន្តរជាតិ។
ភាគីទាំងពីរក៏បានអះអាងថា នឹងសហការយ៉ាងស្អិតរមួតដើម្បីធានាជោគជ័យនៃសន្និសីទពហុភាគីនឹងប្រព្រឹត្តទៅនាពេលខាងមុខ រួមមានសន្និសីទជាន់ខ្ពស់ APEC នាខែវិច្ឆិកានៅវៀតណាម សន្និសីទជាន់ខ្ពស់អាស៊ីខាងកើតនៅហ្វីលីពីនជាដើម៕
តាម VOV5 - វិទ្យុសម្លេងវៀតណាម
