ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃទី ២០ ខែធ្នូ បានអនុម័តលើសេចក្តីសម្រេចចិត្តលេខ ២៦១២ស្ដីពី ការពន្យាពេលបេសកកម្មនៃស្ថានបេសកកម្មប្រចាំនៅសាធារណរដ្ឋប្រជាធិបតេយ្យកុងហ្គោ (MONUSCO) និងធ្វើការពិភាក្សាអំពីស្ថានការណ៍នៅស៊ីរី និងអេត្យូពី។

លោកឯកអគ្គរដ្ឋទូត Dang Dinh Quy ប្រធានស្ថានបេសកកម្មវៀតណាមប្រចាំនៅអង្គការសហប្រជាជាតិ

ទាក់ទិននឹងស្ថានការណ៍នៅស៊ីរី លោកឯកអគ្គរដ្ឋទូត Dang Dinh Quy ប្រធានស្ថានបេសកកម្មវៀតណាមប្រចាំនៅអង្គការសហប្រជាជាតិបានអំពាវនាវឲ្យភាគីទាក់ទិននានាធ្វើការសន្ទនាដោយមានលក្ខណៈស្ថាបនា ព្រមទាំងសង្កត់ធ្ងន់ទៅលើសារសំខាន់នៃការជួយឧបត្ថម្ភរបស់សហគមន៍អន្តរជាតិចំពោះដំណើរការនេះ។ ទន្ទឹមនឹងនេះបង្កើនការជួយឧបត្ថម្ភមនុស្សធម៌ ព្រមទាំងសង្កត់ធ្ងន់ទៅលើសារសំខាន់នៃការកសាងយុទ្ធសាស្រ្តជួយសម្រួលការស្ដារឡើងវិញក្រោយពីជម្លោះលើគ្រប់ជ្រុងជ្រោយ សំដៅធានាសមត្ថភាពខ្លួនទីពឹងខ្លួនរបស់ប្រជាជនស៊ីរីផងដែរ។

នាថ្ងៃដដែល អញ្ជើញថ្លែងនៅក្នុងកិច្ចពិគ្រោះយោបល់នៃក្រុមប្រឹក្សាសន្តិសុខអង្គការសហប្រជាជាតិស្ដីពីស្ថានការណ៍មនុស្សធម៌នៅ អេត្យូពី ដោយប្រធានបទ “បណ្ដាបញ្ហាដទៃទៀត” នោះ លោកឯកអគ្គរដ្ឋទូត Dang Dinh Quy បានសង្កត់ធ្ងន់ទៅលើតួនាទីដ៏សំខាន់របស់ស្ថាប័ននានានៃអង្គការសហប្រជាជាតិ ក្នុងនោះមាន និធិកុមារនៃអង្គការសហប្រជាជាតិ (UNICEF)។ ការិយាល័យសម្របសម្រួលមនុស្សធម៌នៃអង្ការសហប្រជាជាតិ និងដៃគូអន្តរជាតិផ្សេងៗទៀត ក្នុងការជួយឧបត្ថម្ភបណ្ដាសកម្មភាពមនុស្សធម៌នៅប្រទេសនេះផងដែរ៕

តាម VOV5 - វិទ្យុសម្លេងវៀតណាម