នាថ្ងៃទី២២ ខែធ្នូ ឆ្នាំ២០១៩ កងទ័ពប្រជាជនវៀតណាមបានរំលឹកខួបអនុស្សាវរីយ៍លើកទី៧៥ឆ្នាំទិវាបង្កើត និងរំលឹកខួបលើក ទី៣០ឆ្នាំទិវាបុណ្យ ការពារជាតិរបស់ប្រជាជនទាំងមូល។
ក្នុងឱកាសនេះ វិចារណកថា ដោយចំណងជើងថា “ពង្រីកកម្លាំងការពារមាតុភូមិក្នុងស្ថានភាពថ្មី” របស់កាសែត ប្រជាជន ដែលជាភ្នាក់ងារបញ្ចេញមតិរបស់បក្សកុម្មុយនិស្តវៀតណាមបានរំលឹកឡើងវិញនូវប្រវត្តិសាស្ត្រដ៏ភ្លឺស្វាងរបស់កងទ័ពវៀតណាម។ វិចារណកថានេះបានអះអាងថា រាល់យុទ្ធជ័យដ៏ត្រចេះត្រចង់របស់កងទ័ពប្រជាជនវៀតណាមដែលផ្សាភ្ជាប់នឹងសមិទ្ធិដ៏មហិមាររបស់បដិវត្តន៍វៀតណាមក្នុងយុគសម័យហូជីមិញនោះគឺមានអត្ថន័យអន្តរជាតិ និង សហសម័យដ៏ជ្រាលជ្រៅ។
ចំពោះមុខស្ថានភាពពិភពលោកនិងតំបន់បន្តប្រែប្រួលយ៉ាងស្មុគស្មាញ ហើយបណ្ដាអានុភាពអមិត្តនិងប្រតិកិរិយាបន្តជំរុញ “បម្រែបម្រួលដោយសន្តិវិធី” សំដៅបំផ្លាញប្រឆាំងនឹងបដិវត្តន៍វៀតណាមនោះ កងទ័ព ប្រជាជនវៀតណាមត្រូវតែលើកកំពស់ស្មារតីប្រុងប្រយ័ត្ន ហាត់ពត់លត់ ដំត្រៀមខ្លួនជាស្រេចប្រយុទ្ធ ព្រមទាំងលើកកំពស់ឬទ្ធានុភាពនយោបាយនិងជំនាញដោយឥតឈប់ឈរ ហើយចូលរួមយ៉ាងសកម្មក្នុងសកម្មភាពរក្សាសន្តិភាពអន្តរជាតិនិងសកម្មភាពជួយសង្គ្រោះគ្រោះមហន្តរាយផងដែរ។
ឆ្លើយសម្ភាសន៍សារព័ត៌មានក្នុងឱកាសនេះដែរ លោកនាយឧត្តមសេនីយ៍ Ngo Xuan Lich រដ្ឋមន្រ្តីក្រសួងការពារប្រទេសវៀតណាមបានវាយ តម្លៃថា៖
“យើងបានកសាងយុទ្ធសាស្ត្រការពារមាតុភូមិវៀតណាមសង្គមនិយមអោយបានសមស្របនឹងលក្ខខ័ណ្ឌថ្មី ហើយពង្រឹងនិងពង្រីកប្រៀបការពារជាតិដោយប្រជាជនទាំងមូលនិងប្រៀបសន្តិសុខប្រជាជន សំដៅការពាររឹងមាំមាតុភូមិផងដែរ។ កម្លាំងប្រដាប់អាវុធដែលស្នូលជាកងទ័ពប្រជាជន ក៏មានគុណភាពនិងកម្លាំងប្រយុទ្ធកាន់តែខ្ពស់ឡើងពីមួយថ្ងៃទៅមួយថ្ងៃ ដែលពង្រីកបាននូវតួនាទីក្នុងបុព្វហេតុកសាងនិងការពារមាតុភូមិវៀតណាមសង្គមនិយម”។
ក្នុងឱកាសនេះដែរ នៅតំបន់ជាច្រើនទូទាំងប្រទេសវៀតណាមបានប្រព្រឹត្តទៅកម្មវិធីសិល្បៈពិសេសសំដៅអបអរសាទរខួបលើកទី៧៥ឆ្នាំទិវាបង្កើតកងទ័ពប្រជាជននិងអបអរសាទរខួបលើកទី៣០ឆ្នាំទិវាបុណ្យការពារជាតិរបស់ប្រជាជនផងដែរ៕
តាម VOV5 - វិទ្យុសម្លេងវៀតណាម
