• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ឧបនាយករដ្ឋមន្ត្រី លោក Vuong Dinh Hue អញ្ជើញបំពេញទស្សនកិច្ចជាផ្លូវការនៅប្រេស៊ីល

ក្នុងក្របខ័ណ្ឌនៃដំណើរទស្សកិច្ចជាផ្លូវការនៅសាធារណរដ្ឋប្រេស៊ីល នាថ្ងៃទី២ ខែកក្កដា ឆ្នាំ២០១៨ ឧបនាយករដ្ឋមន្ត្រីរដ្ឋាភិបាលវៀតណាម លោក Vuong Dinh Hue បានអញ្ជើញជួបសម្តែងការគួរសមជាមួយប្រធានាធិបតីប្រេស៊ីល លោក Michel Temer ជួបធ្វើការជាមួយរដ្ឋមន្ត្រីមួយចំនួនរបស់ប្រេស៊ីលនិងធ្វើជាកសិណសាក្សីពិធីចុះហត្ថលេខាលើឯកសារសហប្រតិបត្តិការរវាងប្រទេសទាំងពីរ។

ឧបនាយករដ្ឋមន្ត្រីរដ្ឋាភិ បាលវៀតណាម លោក Vuong Dinh Hue បានអញ្ជើញជួបសម្តែងការគួរសមជាមួយ
ប្រធានាធិបតីប្រេស៊ីល លោក Michel Temer  (រូបថតៈ ក្រសួងការបរទេសវៀតណាម) 

ក្នុងជំនួបជាមួយប្រធានាធិបតី Temer ឧបនាយករដ្ឋមន្ត្រី លោក Vuong Dinh Hue បានអះអាងថា វៀតណាមវាយ​តម្លៃខ្ពស់នូវតួនាទីនិងឋានៈរបស់ប្រេស៊ីលលើឆាកអន្តរជាតិព្រមទាំងយកចិត្តទុកដាក់នូវទំនាក់ទំនងជាមួយ​ប្រេស៊ីល។ ប្រធានាធិបតីប្រេស៊ីល លោក Michel Temer ក៏បានអះអាងថា ប្រេស៊ីលយកចិត្តទុកដាក់នូវតួនាទីសំខាន់របស់វៀតណាមក្នុងតំបន់អាស៊ីអាគ្នេយ៍និងវាយតម្លៃខ្ពស់ចំពោះដំណើរទស្សនកិច្ចរបស់ឧបនាយក​រដ្ឋមន្ត្រី លោក Vuong Dinh Hue ក្នុងការពង្រឹងនិងពង្រីកឲ្យបានខ្លាំងក្លាថែមទៀតនូវកិច្ចសហប្រតិបត្តិការលើគ្រប់វិស័យរបស់ប្រេស៊ីលជាមួយវៀតណាម។

ក្នុងជំនួបជាមួយរដ្ឋមន្ត្រីក្រសួងការបរទេសប្រេស៊ីល Aloysio Nunes Ferreira ភាគីទាំងពីរបានឯកភាពជម្រុញការកសាងក្របខ័ណ្ឌច្បាប់សម្រាប់ទំនាក់ទំនងទ្វេភាគី ដូចជាកិច្ចព្រមព្រៀងក្របខ័ណ្ឌ ស្តីពីកិច្ចសហប្រតិបត្តិការបច្ចេកទេស ផ្លាស់ប្តូរព័ត៌មានអំពីពន្ធដើម្បីឈានដល់ការជៀសវាងបង់ពន្ធពីរដងជាដើម។

ឧបនាយករដ្ឋមន្ត្រីរដ្ឋាភិ បាលវៀតណាម លោក Vuong Dinh Hue បានអញ្ជើញជួបសម្តែងការគួរសមជាមួយប្រធានាធិបតីប្រេស៊ីល លោក Michel Temer  (រូបថតៈ ក្រសួងការបរទេសវៀតណាម) 

ធ្វើការពិភាក្សាលើបណ្តាបញ្ហាតំបន់និងអន្តរជាតិដែលមានការយកចិត្តទុកដាក់ដូចគ្នា ភាគីទាំងពីរបានអះ​អាង​​នូវសារៈសំខាន់នៃការធានាសន្តិភាព ស្ថិរភាព សន្តិសុខ សុវត្ថិភាពនាវា ចរណ៍និងអាកាសចរណ៍នៅសមុទ្រខាងកើត ដោះស្រាយជម្លោះដោយសន្តិវិធីឈរលើច្បាប់អន្តរជាតិ ជាពិសេស គាំទ្រការដែលអាស៊ាននិងចិនសម្រេចបានឆាប់ៗនូវក្រមសីលធម៌របស់ភាគីនានានៅសមុទ្រខាងកើត (COC) ប្រកបដោយប្រសិទ្ធភាំពនិងជាក់​ស្តែង។

ក្នុងឱកាសនេះ វៀតណាមនិងប្រេស៊ីលបានចុះហត្ថលេខាលើឯកសារសហប្រតិបត្តិការមួយចំនួន រួមមានកិច្ចព្រមព្រៀងថ្នាក់រដ្ឋាភិបាលស្តីពីកិច្ចសហប្រតិបត្តិការអាកាសចរណ៍ អនុស្សរណៈយោគយល់គ្នាស្តីពីកិច្ចសហប្រតិបត្តិការ​កសិកម្មនិងអនុស្សរណៈយោគយល់ស្តីពីកិច្ចសហប្រតិបត្តិការរវាងសភាពាណិជ្ជកម្មនិងឧស្សាហកម្ម​វៀត​ណាម (VCCI) និងស្ថាប័នពន្លឿនការនាំចេញនិងវិនិយោគប្រេស៊ីល (APEX) ផងដែរ។

ក្នុងថ្ងៃដដែល ឧបនាយករដ្ឋមន្ត្រី លោក Vuong Dinh Hue បានអញ្ជើញទៅសាកសួរសុខទុក្ខនិងសំណេះសំណាលជាមួយកម្មាភិបាលនិងបុគ្គលិកស្ថានទូតវៀតណាមប្រចាំនៅប្រេស៊ីលផងដែរ៕

តាម VOV5 - វិទ្យុសម្លេងវៀតណាម

ប្រធានរដ្ឋសភាអញ្ជើញចូលរួមពិធីបំផុសខែយុវជនឆ្នាំ២០២៤ និងពិធីបុណ្យតេតដាំដើមឈើនិទាឃរដូវឆ្នាំ ២០២៤

ប្រធានរដ្ឋសភាអញ្ជើញចូលរួមពិធីបំផុសខែយុវជនឆ្នាំ២០២៤ និងពិធីបុណ្យតេតដាំដើមឈើនិទាឃរដូវឆ្នាំ ២០២៤

លោកប្រធានរដ្ឋសភាបានស្នើឱ្យសម្ព័ន្ធយុវជនគ្រប់លំដាប់ថ្នាក់ត្រូវបង្កើតគំនិតច្នៃប្រឌិតឥតឈប់ឈរក្នុងការជ្រើសរើសខ្លឹមសារ រចនា និងរៀបចំសកម្មភាពក្នុងអំឡុងខែយុវជន ហើយតាមនោះត្រូវបន្តអភិវឌ្ឍសកម្មភាពជាក់ស្តែងឱ្យកាន់តែខ្លាំងឡើង ប្រកបដោយប្រសិទ្ធភាព ទូលំទូលាយ និរន្តរភាព កាន់តែខ្លាំងឡើង។

Top