នាព្រឹកថ្ងៃទី៩ ខែមិនា ឆ្នាំ២០១៨ នៅទីក្រុងហាណូយ ឧបនាយករដ្ឋមន្ត្រី និងជារដ្ឋមន្ត្រីការបរទេសវៀតណាម លោក Pham Binh Minh បានអញ្ជើញជួបចរចាជាមួយរដ្ឋមន្ត្រីការបរទេសកូរ៉េ ខាងត្បូង លោក Kang Kieng Hoa ដែលកំពុងបំពេញទស្សនកិច្ចនៅវៀតណាម។
ឧបនាយករដ្ឋមន្ត្រីលោក Pham Binh Minh អញ្ជើញជួបចរចាជាមួយរដ្ឋមន្ត្រីការបរទេសកូរ៉េខាងត្បូង
លោក Kang Kieng Hoa
នៅក្នុងជំនួបនេះ ភាគីទាំងពីរបានឯកភាព បង្កើនថែមទៀត កិច្ចសហប្រតិបត្តិការរវាងក្រសួងការបរទេសនៃប្រទេសទាំងពីរ ពង្រីកតួនាទីជាអ្នកសម្របសម្រួលនិងពង្រឹងការយល់ដឹងពីគ្នាទៅវិញទៅមករវាងប្រជាជននៃប្រទេសទាំងពីរ។
ឧបនាយករដ្ឋមន្ត្រី និងជារដ្ឋមន្ត្រីការបរទេសវៀតណាម លោក Pham Binh Minh បានអះអាងថា ឈរលើស្មារតីនៃការស្វិតស្វាញនឹងគោលមាគ៌ាកិច្ចការបរទេសឯករាជ្យ ម្ចាស់ការ ពហុបែប ពហុភាគី និងធ្វើសមាហរណកម្មស៊ីជម្រៅ វៀតណាមជានិច្ចកាលយកចិត្តទុកដាក់ បង្កើនកិច្ចសហប្រតិបត្តិការអភិវឌ្ឍន៍ រក្សាសន្តិភាព សន្តិសុខ ស្ថិរភាព ក្នុងតំបន់និងលើពិភពលោក។
ស្តីពីបញ្ហាអន្តរជាតិនិងតំបន់ ភាគីទាំងពីរបានឯកភាព បន្តរឹតបន្តឹងកិច្ចសហប្រតិបត្តិការនិងកិច្ចសហប្រតិបត្តិការប្រកបដោយប្រសិទ្ធភាពលើបណ្តាយន្តការពហុភាគី គាំទ្រការដោះស្រាយដោយសន្តិវិធីលើបញ្ហានុយក្លេអ៊ែរកូរ៉េខាងជើង និងគាំទ្រដោះស្រាយជម្លោះដោយសន្តិវិធីនៅសមុទ្រខាងកើតដោយសមស្របជាមួយច្បាប់អន្តរជាតិ។
រដ្ឋមន្ត្រីការបរទេស លោក Kang Kieng Hoa បានអះអាងថា កូរ៉េខាងត្បូងអំពុងអនុវត្តន៍គោលនយោបាយដាក់ទៅទិសខាងត្បូងថ្មី ក្នុងនោះ ចាត់ទុកវៀតណាមជាដៃគូសំខាន់រួមទាំងមានបំណងអភិវឌ្ឍន៍ទំនាក់ទំនងជាមួយវៀតណាមឲ្យកាន់តែស៊ីជម្រៅ ពីមួយថ្ងៃទៅមួយថ្ងៃ៕
តាម VOV5 - វិទ្យុសម្លេងវៀតណាម
