ព័ត៌មាន
អនុប្រធានរដ្ឋសភាលោក Uong Chu Luu ចូលរួមសិក្ខាសាលា “តួនាទីរបស់រដ្ឋ សភាក្នុងសកម្មភាពកិច្ចការបរទេសរដ្ឋ”
![](https://imagevietnam.vnanet.vn/Upload/2018/8/22/220820180949162853.jpg)
ទិដ្ឋភាពនៃសិក្ខាសាលា (រូបថត៖ TTXVN)
ចាប់ពីថ្ងៃទី២០ ដល់ថ្ងៃទី២១ ខែសីហា ឆ្នាំ២០១៨ នៅទីក្រុង Can Tho ភាគខាងត្បូង វៀតណាម គណៈកម្មាធិការកិច្ចការបរទេសនៃរដ្ឋសភា វៀតណាមសហការជា មួយវិទ្យាស្ថាន KAS របស់អាល្លឺម៉ង់ បានរៀបចំសិក្ខាសាលាដោយប្រធានបទ “តួនាទីរបស់រដ្ឋសភាក្នុងសកម្មភាពកិច្ចការបរទេសរដ្ឋ”។
ព្រឹត្តិការណ៍នេះមាន ការចូលរួមរបស់សមាជិកសភានៃមណ្ឌលនានាភាគខាងត្បូងវៀតណាម និងតំ ណាងអន្តរជាតិមកពីអាល្លឺម៉ង់ កាណាដា បែលហ្សិក និងអាមេរិក ជាដើម។ ថ្លែងមតិបើកសិក្ខាសាលា អនុប្រធានរដ្ឋសភាវៀតណាមលោក Uong Chu Luu បានសង្កត់ធ្ងន់ថា សកម្មភាពកិច្ចការបរទេសរបស់រដ្ឋសភាមានលក្ខណៈរបស់ រដ្ឋផង និងលក្ខណៈរបស់ប្រជាជនផង។ ដូច្នេះហើយមានភាពងាយស្រួលក្នុងការ ពង្រឹងនិងពង្រីកទំនាក់ទំនងមិត្តភាពនិងកិច្ចសហប្រតិបតិ្តការរវាងវៀតណាមជា មួយប្រទេសដទៃ។ លោក Uong Chu Luu បានលើកសំណើរថា៖
“នៅសិក្ខាសាលានេះ យើងនឹងផ្តោតការពិភាក្សាទៅលើខ្លឹមសារស្នូលៗមួយ ចំនួន។ ទីមួយគឺ បម្រែបម្រួលក្នុងតំបន់និងលើពិភពលោកនាពេលកន្លងទៅ និង ភាពងាយស្រួល ការលំបាកសាកល្បងចំពោះសកម្មភាពកិច្ចការបរទេសរបស់ វៀតណាម។ ទីពីរគឺ តួនាទីរបស់រដ្ឋសភាក្នុងសកម្មភាពកិច្ចការបរទេសទ្វេភាគី និងពហុភាគី។ ទីបីគឺ និន្នាការអភិវឌ្ឍនៃផ្នែកការទូតសភានាពេលខាងមុខ និងការ ផ្ដល់អនុសាសន៍សំដៅបង្កើនតួនាទីរបស់សភាក្នុងសកម្មភាពកិច្ចការបរទេសរដ្ឋ។ ទីបួនគឺ ចែករំលែកបទពិសោធន៍ជាមួយសមាជិកសភា អ្នកជំនាញការជាតិនិង អន្តរជាតិមកពីអាមេរិក កាណាដានិង EU”៕
តាម VOV5 - វិទ្យុសំឡេងវៀតណាម