• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

អង្គការសហប្រជាជាតិវាយតម្លៃខ្ពស់ចំពោះតួនាទីសំខាន់របស់វៀតណាមក្នុងកិច្ចខិតខំប្រឹងប្រែងជាសកលដើម្បីឆ្លើយតបទៅនឹងការប្រែប្រួលអាកាសធាតុ

ឯកអគ្គរដ្ឋទូត លោក Dang Hoang Giang ប្រធានបេសកកម្មអចិន្ត្រៃយ៍របស់វៀតណាមប្រចាំនៅអង្គការសហប្រជាជាតិ នាថ្ងៃទី ២១ ខែធ្នូ បានជួបជាមួយឧបការីអគ្គលេខាធិការអង្គការសហប្រជាជាតិ ទីប្រឹក្សាពិសេសរបស់អគ្គលេខាធិការអង្គការសហប្រជាជាតិទទួលបន្ទុកសកម្មភាពអាកាសធាតុ លោក Selwin Hart។
លោកឯកអគ្គរដ្ឋទូត លោក Dang Hoang Giang បានជួបជាមួយឧបការីអគ្គលេខាធិការអង្គការសហប្រជាជាតិ ទីប្រឹក្សាពិសេសរបស់អគ្គលេខាធិការអង្គការសហប្រជាជាតិស្តីពីសកម្មភាពអាកាសធាតុ លោក Selwin Hart (រូបថត៖ អ្នកសារព័ត៌មាន/VOV-Washington)
 

នៅក្នុងជំនួបនេះ លោកឯកអគ្គរដ្ឋទូត Dang Hoang Giang បានថ្លែងអំណរគុណចំពោះអគ្គលេខាធិការអង្គការសហប្រជាជាតិលោក Antonio Guterres និងអង្គការសហប្រជាជាតិដែលបានគាំទ្រវៀតណាមយ៉ាងសកម្ម ក្នុងការបង្កើតកិច្ចព្រមព្រៀង ភាពជាដៃគូស្តីពីការផ្លាស់ប្តូរថាមពលប្រកបដោយសមធម៌ជាមួយដៃគូអន្តរជាតិក៏ដូចអំឡុងពេលអនុវត្តការសន្យារបស់វៀតណាមនៅ COP26 . លោកឯកអគ្គរដ្ឋទូតបានចាត់ទុកថា ការបង្កើតកិច្ចព្រមព្រៀងនេះគឺជាជំហានដំបូង ហើយសង្ឃឹមថា អង្គការសហប្រជាជាតិនឹងបន្តរួមដំណើរជាមួយវៀតណាមក្នុងការបង្កើតផែនការគៀរគរធនធានដើម្បីអនុវត្តយ៉ាងពេញលេញនូវកិច្ចព្រមព្រៀងនេះ។

លោកឯកអគ្គរដ្ឋទូត Dang Hoang Giang ក៏បានអះអាងដែរថា វៀតណាមត្រៀមខ្លួនជាស្រេចចូលរួមយ៉ាងសកម្មក្នុងការរៀបចំកិច្ចប្រជុំកំពូលសកម្មភាពអាកាសធាតុដែលបានស្នើឡើងដោយអគ្គលេខាធិកានាឆ្នាំ ២០២៣ ដើម្បីបន្តរួមចំណែកក្នុងកិច្ចខិតខំប្រឹងប្រែងរួមគ្នាលើសកម្មភាពអាកាសធាតុ។

ចំណែកលោក ឧបការីអគ្គលេខាធិការ Selwin Hart បានអះអាងថា អង្គការសហប្រជាជាតិនឹងបន្តធ្វើការយ៉ាងជិតស្និទ្ធជាមួយវៀតណាម និងដៃគូអន្តរជាតិក្នុងការអនុវត្តកិច្ចព្រមព្រៀងនេះ។ ឧបការីអគ្គលេខាធិការបាននិយាយថា វៀតណាមកំពុងដើរតួនាទីយ៉ាងសំខាន់ក្នុងកិច្ចខិតខំប្រឹងប្រែងជាសាកល ដើម្បីឆ្លើយតបទៅនឹងការប្រែប្រួលអាកាសធាតុ ហើយសង្ឃឹមថា វៀតណាមនឹងបន្តចែករំលែកបទពិសោធន៍ជោគជ័យ និងមេរៀនអំពីការផ្លាស់ប្តូរថាមពល៕

តាម​ VOV5 - វិទ្យុសម្លេងវៀតណាម

នាយករដ្ឋមន្ត្រីលោក ហ្វាម មិញ ជិញ៖ ត្រៀមរៀបចំគ្រប់លក្ខខណ្ឌសម្រាប់ពិធីសម្ពោធគម្រោងជាតិសំខាន់ៗនៅថ្ងៃទី ១៩ ខែធ្នូ ឆ្នាំ ២០២៥

នាយករដ្ឋមន្ត្រីលោក ហ្វាម មិញ ជិញ៖ ត្រៀមរៀបចំគ្រប់លក្ខខណ្ឌសម្រាប់ពិធីសម្ពោធគម្រោងជាតិសំខាន់ៗនៅថ្ងៃទី ១៩ ខែធ្នូ ឆ្នាំ ២០២៥

នាព្រឹកថ្ងៃទី ១៣ កក្កដា នៅទីក្រុង Can Tho នាយករដ្ឋមន្ត្រី លោក ហ្វាម មិញ ជិញ បានអញ្ជើញជួបធ្វើការជាមួយថ្នាក់ដឹកនាំខេត្ត ក្រុង នៅតំបន់ដីសណ្ដទន្លេ Cuu Long ស្តីពីស្ថានភាពនិងលទ្ធផល នៃការអនុវត្តសេចក្តីសម្រេចចិត្ត របស់គណៈកម្មាធិការមជ្ឈិម ការិយាល័យនយោបាយ និងលេខាធិការដ្ឋាន ស្តីពីការកសាង ការរៀបចំ និងប្រតិបត្តិការរបស់អាជ្ញាធរមូលដ្ឋានពីរកម្រិត; វឌ្ឍនភាពនៃគម្រោងផ្លូវល្បឿនលឿន គម្រោងហេដ្ឋារចនាសម្ព័ន្ធសំខាន់ៗ ក្នុងតំបន់និងលទ្ធផលនៃការអនុវត្តគម្រោងអភិវឌ្ឍន៍ប្រកបដោយចីរភាពលើផ្ទៃដី ១ លានហិកតា ស្រូវឯកទេសដែលមានគុណភាពខ្ពស់ បញ្ចេញឧស្ម័នទាបភ្ជាប់នឹងកំណើនបៃតង និងនិរន្តរភាពនៅតំបន់ដីសណ្តទន្លេ Cuu Long។

Top