• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

អង់គ្លេសចុះហត្ថលេខាជាផ្លូវការលើពិធីសារដើម្បីចូលរួម CPTPP៖ ឱកាសដើម្បីជំរុញកំណើនពាណិជ្ជកម្មរវាងអង់គ្លេសនិងវៀតណាម

នាព្រឹកថ្ងៃទី១៦ ខែកក្កដា ឆ្នាំ២០២៣ នៅទីក្រុង Auckland ប្រទេសនូវែលសេឡង់ រដ្ឋមន្ត្រីអាជីវកម្ម និងពាណិជ្ជកម្មអង់គ្លេស លោកស្រី Kemi Badenoch បានចុះហត្ថលេខាជាផ្លូវការលើកិច្ចព្រមព្រៀងស្ដីពីការចូលរួមកិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP) ដែលនាំចក្រភពអង់គ្លេសក្លាយជាសមាជិកទី ១២ នៃប្លុកពាណិជ្ជកម្មនេះ។
ទិដ្ឋភាពនៃពិធីចុះហត្ថលេខានៅប្រទេសនូវែលសេឡង់។ រូបថត៖ ស្ថានទូតអង់គ្លេសប្រចាំនៅវៀតណាម

បន្ទាប់ពីពិធីចុះហត្ថលេខានេះ រដ្ឋាភិបាលចក្រភពអង់គ្លេសនឹងអនុវត្តន៍ជំហានចាំបាច់ដើម្បីផ្តល់សច្ចាប័នលើកិច្ចព្រមព្រៀងនេះ។ ដូច្នេះ ចក្រភពអង់គ្លេសគឺជាសមាជិកអឺរ៉ុបដំបូងគេ និងជាសមាជិកថ្មីដំបូង ចាប់តាំងពីកិច្ចព្រមព្រៀង CPTPP ត្រូវបានចុះហត្ថលេខាក្នុងឆ្នាំ ២០១៨។ ការចូលរួមរបស់ចក្រភពអង់គ្លេសនឹងបង្កើនផលិតផលក្នុងស្រុកសរុប (GDP) របស់ប្លុកពី ១២% ទៅ ១៥% នៃ GDP សកល ឬស្មើនឹង ១៥.៧០០ ពាន់លានដុល្លាអាមេរិក។

ជាផ្នែកមួយនៃ CPTPP មានន័យថា ជាង ៩៩% នៃទំនិញនាំចេញបច្ចុប្បន្នរបស់ចក្រភពអង់គ្លេសទៅកាន់បណ្តាប្រទេសសមាជិក CPTPP ដទៃទៀត នឹងមានលក្ខខណ្ឌគ្រប់គ្រាន់ដើម្បីទទួលបានកម្រិតពន្ធសូន្យ។ កិច្ចព្រមព្រៀងនាំមកនូវឱកាសថ្មីសម្រាប់សហគ្រាសអង់គ្លេស រួមចំណែកជំរុញកំណើនពាណិជ្ជកម្មរវាងចក្រភពអង់គ្លេស និងប្រទេសជាសមាជិកនានា ក្នុងនោះមានវៀតណាមផង។ ឯកអគ្គរដ្ឋទូតអង់គ្លេសប្រចាំនៅវៀតណាម លោក Iain Frew បានចាត់ទុកថា៖

ប្រការនេះនឹងជំរុញយ៉ាងខ្លាំងក្លានូវពាណិជ្ជកម្មរវាងវៀតណាម និងអង់គ្លេស។ CPTPP នឹងជួយសហគ្រាសនៃប្រទេសទាំងពីរធ្វើពាណិជ្ជកម្មកាន់តែងាយស្រួល។ រួមគ្នា យើងនឹងជួយបង្កើតគោលការណ៍ពាណិជ្ជកម្មដ៏ជឿនលឿនសម្រាប់អនាគត។ ប្រការនេះបង្ហាញពីទំនាក់ទំនងដៃគូយុទ្ធសាស្ត្រកាន់តែស៊ីជម្រៅរវាងចក្រភពអង់គ្លេស និងវៀតណាម។ ខ្ញុំសូមថ្លែងអំណរគុណចំពោះការជួយគាំទ្រនិងកិច្ចសហប្រតិបត្តិការរបស់រដ្ឋាភិបាលវៀតណាមក្នុងដំណើរការដែលអង់គ្លេសចូលជាសមាជិក CPTPP។ អង់គ្លេសនិងវៀតណាមនឹងប្រកៀកស្មាគ្នាដើម្បីកសាងអនាគត

តាម VOV5 - វិទ្យុសំឡេង​វៀតណាម

វៀតណាមបង្កើនកិច្ចសហប្រតិបត្តិការលើគ្រប់វិស័យក្នុងអាស៊ាន

វៀតណាមបង្កើនកិច្ចសហប្រតិបត្តិការលើគ្រប់វិស័យក្នុងអាស៊ាន

នាថ្ងៃទី ៩ កក្កដា កិច្ចប្រជុំរដ្ឋមន្ត្រីការបរទេសអាស៊ានលើកទី ៥៨ បានបើកជាផ្លូវការនៅមជ្ឈមណ្ឌលសន្និបាតទីក្រុងគូឡាឡាំពួ។

Top