FBI បានកំណត់ថា មានវត្ថុបុរាណមួយចំនួនមានប្រភពដើមមកពីវៀតណាម ដែលមិនទាន់ដឹងកាលវិទ្យា ហើយចង់ប្រគល់វត្ថុបុរាណទាំងនោះជូនរដ្ឋាភិបាលវៀតណាមវិញ។ ក្នុងពិធីទទួលវត្ថុបុរាណទាំងនេះ ឯកអគ្គរដ្ឋទូតវៀតណាមប្រចាំនៅអាមេរិក លោក Nguyen Quoc Dung បានឲ្យដឹងថា៖ “នេះគឺជាព្រឹត្តិការណ៍ដ៏មានអត្ថន័យខ្លាំងណាស់ ជាផ្នែកមួយក្នុងការអនុវត្តអនុសញ្ញាអង្គការសហប្រជាជាតិស្តីពីការប្រយុទ្ធប្រឆាំងនឹងឧក្រិដ្ឋកម្មមានការចាត់តាំង។ យើងខ្ញុំនឹងផ្ទេរប្រគល់វត្ថុបុរាណទាំងនេះទៅឲ្យក្រសួងវប្បធម៌ កីឡា និងទេសចរណ៍ ក៏ដូចជាសារមន្ទីរប្រវត្តិសាស្ត្រ ដើម្បីស្រាវជ្រាវ ពិនិត្យ និងប្រើប្រាស់ឲ្យបានសមស្រប។”
ឯកអគ្គរដ្ឋទូតលោក Nguyen Quoc Dung បានសង្កត់ធ្ងន់ថា៖ នាពេលថ្មីៗនេះ វៀតណាម និងអាមេរិកបានអនុវត្តន៍សកម្មភាពសហប្រតិបត្តិការ និងសម្របសម្រួលប្រកបដោយវិជ្ជាជីវៈទ្វេភាគីជាច្រើន ដោយឈរលើមូលដ្ឋាននៃ “អនុស្សរណៈយោគយល់គ្នាស្តីពីការបង្ការ និងប្រយុទ្ធប្រឆាំងឧក្រិដ្ឋកម្មឆ្លងដែន” ដែលបានចុះហត្ថលេខារវាងក្រសួងនគរបាលវៀតណាម និង FBI ។ លោកឯកអគ្គរដ្ឋទូតបានអះអាងថា ស្ថានទូតវៀតណាមប្រចាំនៅសហរដ្ឋអាមេរិក តែងតែត្រៀមខ្លួនជាស្រេចដើម្បីដើរតួនាទីជាស្ពានតភ្ជាប់ និងជំរុញកិច្ចសហប្រតិបត្តិការបន្ថែមទៀតរវាងក្រសួង ស្ថាប័ន និងសាខានានានៃប្រទេសទាំងពីរ៕
