• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

សេចក្តីថ្លែងការណ៍រួម វៀតណាម - កម្ពុជា


 នាយករដ្ឋមន្រ្តីនៃប្រទេសទាំងពីរបានចុះហត្ថលេខាលើសន្ធិសញ្ញាបំពេញបន្ថែមនៃផែនការព្រំដែនជាតិក្នុងឆ្នាំ ១៩៨៥ និងសន្ធិសញ្ញាបំពេញបន្ថែមឆ្នាំ ២០០៥ រវាងវៀតណាមនិងកម្ពុជា 
 

នាថ្ងៃទី៥​ ខែតុលា ឆ្នាំ២០១៩ សាធារណរដ្ឋសង្គម វៀតណាមនិងព្រះរាជាណាចក្រ​កម្ពុជា​បាន​ចេញ​សេចក្តី​ថ្លែង​ការណ៍​រួម​ស្តីពីដំណើរទស្សនកិច្ចផ្លូវការរបស់សម្តេចតេជោហ៊ុនសែន នាយករដ្ឋមន្រ្តី​នៃកម្ពុជា​មកកាន់​ប្រទេស​វៀត​​ណាម។
 
យោង​តាមសេចក្តីថ្លែងការណ៍នេះបានអោយដឹងថា ក្នុងឱកាសទស្សនកិច្ចនេះ សម្តេចតេជោនាយករដ្ឋមន្រ្តី ហ៊ុន ​សែន បានជួបពិភាក្សាជាមួយ លោក Nguyen Xuan Phuc  នាយករដ្ឋមន្ត្រីវៀតណាម និង​បាន​ជួប​សម្តែង​ការគួរ​សម​ជាមួយ​លោក Nguyen Phu Trong អគ្គលេខាធិការបក្សកុម្មុយនីស្ត និងជាប្រធានរដ្ឋវៀតណាម និង​បាន​ជួប​​សម្តែងការគួរសមជាមួយ លោកស្រី Nguyen Thi Kim Ngan ប្រធានរដ្ឋសភាជាតិវៀតណាម ព្រម​ទាំង​បាន​អញ្ជើញ​គោរពវិញ្ញាណក្ខន្ធ ដាក់កម្រងផ្កានៅមណ្ឌបអ​នុស្សាវរីយ៍​វីរបុរសជាតិ និង​វិមានតម្កល់សព លោក​ប្រធាន​ ហូ​ជីមិញ។
 
ភាគីទាំង​ពីរបានយកចិត្តទុកដាក់ជាពិសេស ចំពោះការចុះហត្ថលេខានៃឯកសារច្បាប់ទាំងពីរ ដែលទទួល​ស្គាល់​ពីវឌ្ឍនភាព​នៃការងារខណ្ឌសីមា និងការបោះបង្គោលព្រំដែនគោក ដែល​សម្រេចបានមក​ដល់​បច្ចុប្បន្ន (ប្រមាណ​៨៤%) និងបា​ន​បញ្ជាក់ជាថ្មីថា សកម្មភាពនេះបានរំលឹកនូវ ព្រឹត្តិការណ៍ជាប្រ​វត្តិ​សាស្រ្ត ក្នុងដំណើរ​ការដោះស្រាយ​បញ្ហាព្រំ​ដែនគោក រវាងប្រទេសទាំងពី​រ។ ភាគីទាំងពីរ​បាន​ឯកភាព​ផងដែរ​ក្នុង​ការបញ្ចប់​នូវការងារ​ខណ្ឌសីមា និងបោះបង្គោលព្រំដែន លើកំណា​ត់ព្រំដែនដែលនៅសេសសល់ នា​ពេលអនាគត​ឆាប់​ៗ​នេះ។​ ភាគីទាំងពីរបានអះអាង​ជាថ្មីអំពីការប្តេជ្ញាចិត្ត ក្នុ​ងការពិនិត្យ​ឲ្យបាន​ពេញលេញ​នូវសន្ធិសញ្ញា​កំណត់​ព្រំដែ​ន​ និងកិច្ចព្រមព្រៀងពាក់ព័ន្ធនឹងព្រំដែន ដែលបានចុះហត្ថលេខារវាងប្រទេសទាំងពីរ។ ភាគីទាំង​ពីរ​ក៏បាន​ឯកភាព​ជំរុញកិច្ចសហប្រតិបត្តិការ ស្តីពីការគ្រប់គ្រងព្រំដែនដោ​យផ្អែកលើយន្តការ ​និងក្រប​ខណ្ឌច្បាប់​ដែលមាន​ស្រាប់ ដើម្បីកសាងខ្សែបន្ទាត់ព្រំដែនសន្តិភាពស្ថិរភាព ​មិត្តភាព កិច្ចសហប្រតិបត្តិ​ការ និង​ការអភិវឌ្ឍ​ប្រកបដោយចីរភាព។
 
ថ្នាក់ដឹកនាំនៃ​ប្រទេសទាំងពីរបានឯកភាពគ្នា ក្នុងការពង្រឹងកិច្ចសម្របសម្រួល ការផ្លាស់ប្តូរព័ត៌មាន និង​ការ​គាំ​ទ្រ​​គ្នាទៅវិញទៅមក ក្នុងវេទិកាតំបន់ និងអន្តរជាតិ ជាពិសេសក្នុងក្របខណ្ឌអាស៊ាន និងយ​ន្ត​ការ​ពាក់​ព័ន្ធ​ផ្សេង​ទៀត​ អង្គការសហប្រជាជាតិ អង្គការពាណិជ្ជកម្មពិភពលោក និងកិច្ចប្រជុំកំពូលអាស៊ី-អឺរ៉ុប។ ដោយ​សង្កត់​​ធ្ងន់ទៅលើសារៈសំខាន់ នៃសាមគ្គីភាព ឯកភាព និងមជ្ឈភាពរបស់អាស៊ាន ភាគី​ទាំង​ពីរ​បាន​យល់​ស្រប​ខិត​ខំ​ប្រឹង​ប្រែង​រួមគ្នា ជាមួយបណ្តារដ្ឋជាសមាជិកអាស៊ានដទៃទៀត ដើម្បីកសាងសហគមន៍អាស៊ានមួយ ដោយ​ផ្អែក​លើគោលការណ៍ច្បាប់ ការរួបរួមគ្នាសាមគ្គីភាព និងការយកប្រជាជនជាស្នូល។ ក្នុងស្មារតីនេះ ភាគីទាំង​ពីរបានប្តេជ្ញាសម្របសម្រួលគ្នា ជិតស្និទ្ធទៅវិញទៅមក ក្នុងពេលវៀតណាម ធ្វើជាប្រធានអាស៊ានឆ្នាំ២០២០ និង​កម្ពុជា​ធ្វើជាម្ចាស់ផ្ទះកិច្ចប្រជុំកំពូលអាស៊ី-អឺរ៉ុប លើ​កទី១៣ ឆ្នាំ២០២០។
​ 
ភាគី​ទាំងពីរ​បានឯកភាពគ្នា ពង្រឹងកិច្ចសហប្រតិបត្តិការគ្រប់គ្រង ប្រកបដោយប្រសិទ្ធភាព និងចីរភាព ការអភិវឌ្ឍនិង​ការប្រើប្រាស់ធនធានទឹកទន្លេមេគង្គ ឲ្យស្របទៅតាមកិច្ចព្រមព្រៀងឆ្នាំ១៩៩៥ ស្តីពីកិច្ច​សហប្រតិ​បត្តិការ​ដើម្បី​ការអភិវឌ្ឍប្រកប ដោយចីរភាព​អាងទឹកទន្លេមេគង្គ សេចក្តីប្រកាសខេត្តសៀ​មរាប​ ឆ្នាំ២០១៨​ នៃកិច្ចប្រជុំកំពូលគណៈកម្មការទន្លេមេគង្គលើកទី០៣ និងសេចក្តីប្រកាសរួមឆ្នាំ២០១៨ នៃកិច្ច​ប្រជុំ​កំពូល​មហាអនុតំបន់​ទន្លេមេគង្គ និងយន្តការអនុតំបន់ ដែលមានស្រាប់ផ្សេងៗទៀត។
 
ទាក់ទងនឹង​បញ្ហាសសមុទ្រខាងកើត ភាគីទាំងពីរបានចាត់ទុកថា ស្ថានភាពតានតឹង​បច្ចុប្បន្ន​នេះនៅ​សមុទ្រ​ខាង​កើត​ ត្រូវបានដោះស្រាយដោយសន្តិវិធី ស្របតាមច្បាប់អន្តរជាតិ ក្នុងនោះមាន​អនុសញ្ញា​អង្គការ​សហ​ប្រជាជាតិ​ ស្តីពីច្បាប់សមុទ្រ ឆ្នាំ ១៩៨២ (UNCLOS) ផ​ងដែរ៕

 

តាម VOV5 - វិទ្យុសំឡេងវៀតណាម​
 

បើកពិធីបុណ្យនិទាឃរដូវ Yen Tu ឆ្នាំ ២០២៤

បើកពិធីបុណ្យនិទាឃរដូវ Yen Tu ឆ្នាំ ២០២៤

នាព្រឹកថ្ងៃទី១៩ ខែកុម្ភៈ ឆ្នាំ២០២៤ (ពោលគឺថ្ងៃទី ១០ ខែមិកសិរ ឆ្នាំរោង ឆស័ក) ពិធីបុណ្យ និទាឃរដូវ Yen Tu បានបើកជាផ្លូវការនៅទីក្រុង Uong Bi ខេត្ត Quang Ninh។ នេះជា ពិធីបុណ្យមួយក្នុងចំណោមពិធីបុណ្យធំបំផុតនៅវៀតណាម។

Top