ព័ត៌មាន
សហរដ្ឋអាមេរិក និងសម្ព័ន្ធមិត្តនៅអឺរ៉ុបបានចេញសេចក្តីថ្លែងការណ៍រួមមួយស្តីពីសភាពការណ៍នៅមជ្ឈិមបូព៌ា
សេចក្តីថ្លែងការណ៍រួមបានសម្តែងការគាំទ្រចំពោះកិច្ចខិតខំប្រឹងប្រែងនាពេលបច្ចុប្បន្ន ដើម្បីកាត់បន្ថយភាពតានតឹង ឈានដល់បទឈប់បាញ់និងការដោះលែងចំណាប់ខ្មាំងនៅតំបន់ហ្គាហ្សា; គាំទ្រកិច្ចខិតខំប្រឹងប្រែងរបស់ប្រធានាធិបតីអាមេរិក ប្រធានាធិបតីអេហ្ស៊ីប និងព្រះមហាក្សត្រកាតា ក្នុងការអំពាវនាវឱ្យភាគីពាក់ព័ន្ធចាប់ផ្តើមការចរចាឡើងវិញនៅសប្តាហ៍នេះ ដើម្បីសុក្រឹត្យកិច្ចព្រមព្រៀងឱ្យបានឆាប់ៗ; ហើយបានសង្កត់ធ្ងន់លើភាពចាំបាច់នៃការបង្កើនជំនួយមនុស្សធម៌ទៅកាន់តំបន់ហ្គាហ្សា។
នាថ្ងៃដដែលនោះ អគ្គលេខាធិការអង្គការសហប្រជាជាតិ លោក Antonio Guterres បានថ្កោលទោសការវាយប្រហារដ៏បង្ហូរឈាមកាលពីចុងសប្តាហ៍មុន សំដៅលើសាលារៀនមួយកន្លែងក្នុងតំបន់ហ្គាហ្សា ដែលជាទីជម្រករបស់ជនប៉ាឡេស្ទីនរាប់រយនាក់ដែលបានបាត់បង់ផ្ទះសម្បែង។ ការវាយប្រហារនាថ្ងៃទី ១០ ខែសីហា បានឆក់យកជីវិតមនុស្សយ៉ាងហោចណាស់ ១០០ នាក់។
នាថ្ងៃទី ១២ សីហា ក្រុមហ៊ុនអាកាសចរណ៍ជាច្រើនបានពន្យាពេលការផ្អាកជើងហោះហើរទៅកាន់ប្រទេសអ៊ីស្រាអែល អ៊ីរ៉ង់ និងលីបង់ ក្នុងបរិបទដែលភាពតានតឹងកាន់តែកើនឡើងនៅក្នុងតំបន់ ដោយសារតែហានិភ័យនៃការវាយប្រហារដោយអ៊ីរ៉ង់និងក្រុមហេសបូឡាប្រឆាំងនឹងអ៊ីស្រាអែលដែលត្រូវបានចាត់ទុកថានឹងកើតឡើងនាប៉ុន្មានថ្ងៃខាងមុខនេះ៕
