![](https://imagevietnam.vnanet.vn/Upload/2020/8/5/050820201441296213.jpg)
រដ្ឋមន្រ្តីក្រសួងការបរទេសលោក Mike Pompeo (រូបថត៖ Nation Thailand)
នាថ្ងៃទី៣ ខែសីហា ឆ្នាំ២០២០ រដ្ឋមន្រ្តីក្រសួងការបរទេសលោក Mike Pompeo បានធ្វើកិច្ចសន្ទនាតាមទូរស័ព្ទជាមួយសមភាគីសិង្ហបុរីនិងឥណ្ឌូនេស៊ី។
ខុទ្ទកាល័យ អ្នកនាំពាក្យក្រសួងការបរទេសអាមេរិក បានឲ្យដឹងថានៅក្នុងកិច្ចសន្ទនាតាមទូរស័ព្ទជាមួយរដ្ឋមន្រ្តីក្រសួងការបរទេសសិង្ហបុរីលោក Vivian Balakrishnan រដ្ឋមន្រ្តីក្រសួងការបរទេសអាមេរិក លោក Mike Pompeo បានរំលឹកឡើងវិញនូវការគាំទ្ររបស់សហរដ្ឋអាមេរិកចំពោះបណ្តាប្រទេសសមាជិកអាស៊ានក្នុងការរក្សាសិទ្ធិអធិបតេយ្យភាពនិងឧត្តមប្រយោជន៍របស់ខ្លួនស្របតាមច្បាប់អន្តរជាតិ។
លោក Mike Pompeo ក៏បានសង្កត់ធ្ងន់លើការប្រឆាំងជំទាស់របស់សហរដ្ឋអាមេរិកចំពោះកិច្ចខិតខំប្រឹងប្រែងរបស់ចិនក្នុងការប្រើប្រាស់អំពើចាប់បង្ខំ ដើម្បីជំរុញការទាមទារខុសច្បាប់របស់ខ្លួននៅសមុទ្រខាងកើត។ ទន្ទឹមនឹងនេះដែរនៅក្នុងកិច្ចសន្ទនាតាមទូរស័ព្ទរវាងរដ្ឋមន្រ្តីការបរទេសអាមេរិក លោក Mike Pompeo និងរដ្ឋមន្រ្តីការបរទេសឥណ្ឌូនេស៊ី លោក Retno Marsudi ភាគីទាំងពីរបានពិភាក្សាគ្នាអំពីទំនាក់ទំនងភាពជាដៃគូយុទ្ធសាស្ត្រដ៏រឹងមាំរវាងសហរដ្ឋអាមេរិកនិងឥណ្ឌូនេស៊ី ក៏ដូចជាគោលដៅរួមក្នុងការគោរពច្បាប់អន្តរជាតិ
នៅសមុទ្រខាងកើត៕
តាម VOV5 - វិទ្យុសំឡេងវៀតណាម