លោកនាយករដ្ឋមន្ត្រីបានសង្កត់ធ្ងន់ថា សមុទ្រដើរតួនាទីដ៏ធំធេងសម្រាប់វៀតណាម ជាពិសេសក្នុងបរិបទដែលវៀតណាមចង់ក្លាយជាប្រទេសសមុទ្រដ៏ខ្លាំងមាំមួន ជាមួយនឹងការអភិវឌ្ឍប្រកបដោយចីរភាព វិបុលភាព សន្តិសុខ និងសុវត្ថិភាព។ លោកនាយករដ្ឋមន្ត្រីក៏បានរំលេចតម្លៃនៃអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS ឆ្នាំ ១៩៨២) ដោយចាត់ទុកវាជារដ្ឋធម្មនុញ្ញសម្រាប់មហាសមុទ្រ បង្កើតក្របខ័ណ្ឌច្បាប់គ្រប់គ្រងគ្រប់សកម្មភាពនៅសមុទ្រ និងជាមូលដ្ឋានគ្រឹះសម្រាប់រក្សាសណ្តាប់ធ្នាប់ ការពារសន្តិភាព និងស្ថិរភាពនៅសមុទ្រ បម្រើការអភិវឌ្ឍនៅសមុទ្រ និងមហាសមុទ្រ រួមទាំងសមុទ្រខាងកើតផងដែរ។ លោកនាយករដ្ឋមន្ត្រីក៏បានអះអាងសារជាថ្មីអំពីគោលជំហរដ៏ខ្ជាប់ខ្ជួនរបស់វៀតណាមក្នុងការគោរពយ៉ាងម៉ឺងម៉ាត់និងប្រតិបត្តិតាមច្បាប់អន្តរជាតិ ដោះស្រាយដោយសន្តិវិធីនូវការខ្វែងគំនិត និងវិវាទ រួមទាំងវិវាទទាក់ទងនឹងសមុទ្រផងដែរ។

រីឯខ្លួនវិញ ប្រធានចៅក្រម ITLOS លោក Tomas Heidar បានវាយតម្លៃខ្ពស់ចំពោះការគាំទ្រយ៉ាងសកម្មរបស់វៀតណាមចំពោះការងាររបស់ ITLOS ការផ្តល់យោបល់យ៉ាងសកម្មរបស់វៀតណាមអំពីការប្រែប្រួលអាកាសធាតុ ហើយការតែងតាំងអ្នកជំនាញច្បាប់ដ៏ឆ្នើមរបស់វៀតណាមសម្រាប់មុខតំណែងចៅក្រម ITLOS សម្រាប់អាណត្តិ ២០២៦-២០៣៥ ផងដែរ៕